Meken 13
Nyine Ini Koi Së La Itre Itupathi Ka Traqa Koi Iesu
AME ju fe kö lo thupene kola bapataiso Iesu, hna tro xomi nyidrë hnene la uati hmitrötre i Akötresie kowe la hnapapa ne Iudra. Nyidrëti a ajane troa atrepengöne hnyawa la pengö i nyidrë, pine laka, ngöne lo ijine nyidrëti a xome la bapataiso, “hna thawa la hnengödrai” matre kösë ijiji nyidrëti hë troa atrepengöne la itre ewekë ne hnengödrai. Nyimutre catre la itre nyine tro nyidrëti a thele ewekë ngön!
Iesu a pane lapa ngöne la hnapapa, 40 lao drai nge 40 lao jidr, pë pi kö hnei nyidrëti hna xen. Ame hë la kola traqa la mecijine koi nyidrë, kolo hi a fetra hnei Satana me qaja koi nyidrë ka hape: “Maine cilieti la Hupuna i Akötesie, te, ulatine jë mate aretopi la it’ etë celë.” Ngo atre hi Iesu laka, ewekë ka ngazo la troa huliwane menune la mene i nyidrë matre troa kuci iamamanyikeu, nyine thatraqane la itre sipu aja i nyidrëti kö. Haawe, nyidrëti a tro sasaithe ju la itupath.
Ngo thaa nue nyidrëti pi kö hnei Diabolo. Angeice a sile hmaca ju la ketre itupath. Ame hnei angeice hna upi Iesu troa sesë qa hune la he ne la ēnē, matre tro la itre angela i Akötresie a kapa trongë nyidrë. Ngo thaa kei kö Iesu kowe la itupathi cili, itupathi nyine troa haine hnei atr. Nyidrëti pe a e la itre xötre qa hnine la Tusi Hmitrötr, me amamane hnyawa laka, ewekë ka ngazo la troa tupathi Akötresieti tune lai.
Ame ngöne la hnaakönine itupath, Diabolo a amamane koi Iesu la nöjei baselaia ne fene asë, memine la lolo ne itre ej, nge öni angeice ka hape: “Tro ni a hamë cilie la nöjei ewekë cili, e tro cilieti a kei a thili koi ni.” Ngo Iesu a elë hmaca ju hune la itupathi Satana, me iëne troa mele nyipici pala hi koi Akötresie.
Ijije tro së a xomi ini qa ngöne la itre itupathi ka traqa koi Iesu. Kola amamane hnene itre eje ka hape, thaa eje kö lo aqane mekune ne la itre xaa atr, laka, ame Diabolo, ke, ngazo ka eje the së; ohe, angeice la ketre ua. Kola amamane fe hnene la ketre itupathi laka, ewekë i Diabolo asë hi la nöjei baselaia ne fen. Hapeu, ijiji angeice kö troa hamëne itre eje koi Keriso matre nyine tupathi nyidrë, nge thaa ewekë i angeice pe itre ej?
Nge mekune hnyawa ju fe la mekune celë: Hna qaja hnei Diabolo ka hape, maine tro hi Iesu a acaa thili koi angeic, tro angeice a hamëne la itre loi koi Iesu, ene la nöjei baselaia ne fene asë. Atreine fe hi Diabolo troa tupathi së tune lai, maine troa hamë së la itre jëne troa hetrenyi la itre mo ne fen, maine troa cilëne la ketre musi maine ketre hnëqa pena ka hlemu koi atr. Ngo loi e tro së a inamacane me xötrethenge pala hi la tulu i Iesu, ene la troa catre mele nyipici pala hi koi Iehova, ngacama tru la itre itupath! Mataio 3:16; 4:1-11; Mareko 1:12, 13; Luka 4:1-13.
▪ Nemene jë la itre ewekë hnei Iesu hna mekune kow, ngöne lo nyidrëti a pane lapa ngöne la hnapapa, a 40 lao drai?
▪ Tune kaa la aqane tupathi Iesu hnei Diabolo?
▪ Nemene la itre ini hne së hna kapa qa ngöne la itre itupathi ka traqa koi Iesu?