Meken 31

Angatre a Sa Uke Wene Qite Ngöne La Drai Sabath

EASENYI hë matre tro pi Iesu me itretre drei nyidrë qaa Ierusalema a tro Galilaia. Kolo hmaca ha cia dröne la itre isinöe, nge macaje menu hë la itre hlapa qitr. Kola mecijine hnene la itretre dreng. Haawe, angatre a sa wene la itre qitr, me xen. Ngo thaa sihngödri kö la itre huliwa i angatr, pine laka, drai sabathi la ijine cili.

Qëmekene lai, hnene la itre keme ne hmi ne Ierusalema hna thele troa humuthi Iesu, ke ame koi angatr, hnei nyidrë hna ena la wathebo ne la sabath. Enehila kolo pena ha jele ngazone la itretre drei nyidrë me hape: “Hana wang, la angete dei nyipë kola kuca la ka tha ijije troa kuca ngöne la sabath.”

Kola mekune hnene la itre Faresaio ka hape, ame la troa ukekëthe la itre uke wene qite me xexe la itre wene matre troa xen, ke kösë lo kolo hi lai a menue me lepe la itre qitr. Pine la aqane wange menune angatre la pengöne la huliwa, haawe, angatre a thipahacene la aqane troa melëne la sabath, ngo kolo pe lo ijine madrine lai me acatrenyi lapaun. Iesu a hamëne ju la itre ceitune nyine amamane laka, thaa hnei Iehova fe kö hna iupi troa sili xaa ehnefe nyine troa trongëne la wathebo i Nyidrë göi sabath.

Iesu a qaja jë la hna kuca hnei Davita me itretre ce me nyidrë ngöne la angatre a mecijin, laka, hnei angatre hna lö kowe la ēnē me xeni la itre areto nyine amaman. Itre areto lai hna fetra fë hë koi Iehova, nge hna nyihnane hë itre eje hnene la itre areto ka hnyipixe; nge hna amekötine hmekuje kowe la itretre huje troa xeni itre ej. Ngo eje hi laka, thaa hnëjine kö Davita me itre atr ka ce tro me nyidrë, pine la hna xeni la itre areto cili.

Iesu a hamëne la ketre ceitun, kola hape: “Tha hane kö nyipunieti e ngöne la wathebo, la hnei angete huje hna tha ahmitötëne la sabathi ngöne la sabathi hnine la ēnēti hmitöt, ngo tha ngazo kö angat?” Nyipici, ngöne la nöjei sabath, kolo pala hi a kuluhmathe hnene la itretre huj, la itre öni me kuca la itre xaa hnëqa ju kö matre troa hnëkëne la itre öni nyine hujën! Öni Iesu ka hape: “Ngo ini a qaja koi nyipunie ka hape, Hane pe la ka tru hune la ēnē.”

Nge nydrëti a hajine la itre Faresaio, me qaja ka hape: “Ngo maine ate hnei nyipunie la pengöne la hna qaja, ka hape, ‘Ajange la ihnim, ngo tha huje kö,’ maine tha hna jele ngazone la ite ka tha ngazo kö.” Nyidrëti a nyipune me hape: “Ke Nekö i ate la Joxu ne la sabath.” Nemene la aliene la trenge ewekë i nyidrë? Nyidrëti hi lai a qaja la musi ngöne la caa thauzane macatre, fene la Baselaia ne tingeting.

Kola e enehila la 6 000 lao macatre ne mele la itre atr fene la ithahluë Satana Diabolo, kola angazone la mele hnene la itre iakötrë me itre isi ngöne la nöjei drai. Ngo calemi hë la sabathi ka tru, ene lo ijine tro la musi Iesu a axapone la itre akötre ne la itre atr, me apaatrene la ithahluë me iwajahuj. Mataio 12:1-8; Levitiko 24:5-9; 1 Samuela 21:1-6; Numera 28:9; Hosea 6:6.

▪ Nemene la ewekë hna upe zöne la itretre drei Iesu, nge tune kaa la aqane sa i Iesu lai?

▪ Nemene la ngazo ne la itre Faresaio hnei Iesu hna qaja amaman?

▪ Nemene la aliene la hnaewekë, hna hape, Iesu la “Joxu ne la sabath”?