Meken 38
Hapeu, Paatre Kö La Lapaune Thei Ioane?
CAA macatre i Ioane hë kalabus, nge angeice a atre laka, hnei Iesu hna amelene hmaca qa hna meci la neköne la ketre sine föe ne Naina trahmany. Ngo angeice a ajane troa atrepengöne hnyawa thei Iesu, la aliene la iamamanyikeu cili; celë hi matre angeice a upe la luetre drei angeice troa hnyingëne ka hape: “Enëtilai la ate troa hlepëti, nge olongati, jötëti nyihunieti a tinyinëti la kete?”
Ma troa ala nyimu la ka thaa trotrohni Ioane, pine laka, angeice hi lo ka bapataiso Iesu, a lue macatre hë la, hnei angeice hna öhne la uati hmitrötre i Akötresieti e uti me të hui Iesu, nge angeice a drenge la nine ula i Akötresie, kola kapa madrine la hupuna. Itre xane a mekune ka hape, ma kolo jë a nanazije la lapaune i angeic. Ngo thaa eje kö la kepine lai. Maine hnei Ioane ju hna luelu, thaa tro kö Iesu a qaja aloinyi angeic, tune la hnei nyidrëti hna troa kuca enehila. Haawe, pine nemene hö la Ioane a hnyinge tune la?
Maine jë angeice pena hi a ajane tro Iesu a qaja ka hape nyidrëti hi la Mesia. Haawe, troa ketre ithuecatre lai koi angeic, e hnine la kalabus. Ngo kola mama laka, hetre itre xaa kepine matre angeice a qaja la hnyinge celë. Nyipici, angeice a ajane troa atre, maine jë troa traqa la ketre atr, ka troa inyihnai, a kola troa aejëne asë la nöjei ewekë hna thingehnaean, hna troa aeatrëne hnene la Mesia.
Atre hi Ioane jëne la itre ewekë hna perofetane hnei Tusi Hmitrötr, laka, ketre joxu nge atre iamele la siana i Akötresie. Ngo nyimutre hë la itre treu thupene lo ijine bapataiso Iesu, Ioane pala hi a hna akalabusin. Celë hi matre, ame la hnyinge i Ioane koi Iesu, ke, kola hape: ‘Hapeu, enëtilai la ka troa acile jëne la ketre iamamanyikeu, la Baselaia i Akötresie, maine troa treqene la ketre atr ka troa iynihnai, kola troa eatrëne asë la itre ewekë ka mingöminge hna perofetane ka atrune la lolo ne la Mesia?’
Thaa hnei Iesu kö hna sa kowe la itretre drei Ioane ka hape, ‘Eje hi, eni hi lo ka troa traqa!’ ngo nyidrëti pe a amamane ju jëne la itre iamamanyikeu, laka, nyidrëti hi la Mesia; hnei nyidrëti hna aloine la nöjei meci ne la itre atr ka ala nyimu ka traqa koi nyidrë. Thupene lai nyidrëti a qaja ju kowe la itretre drenge ka hape: “Troja ithuemacanyi Ioane la hnei nyipoti hna denge me goeën; goe hë la ite timek, tro hë la ite geny, jijia ha la ite lepera, dengë hë la ite simihnangenyë, mele hmaca ha la ite ka meci hë, nge hna cainöjëne la maca ka loi kowe la ite pë ewekë.”
Kola mama ngöne la hnyinge i Ioane laka, angeice a mejiune maine jë tro Iesu a hane thepe angeice qaa kalabus, ngo thaa tro kö a mejiune la itre xaa ewekë hune la itre iamamanyikeu.
Ame ngöne la kola isa tro la itretre drei Ioane, Iesu a qaja jë kowe la itre atr ka hape, Ioane hi lo “maca” i Iehova, hna thingehnaeane ngöne Malaki 3:1, nge angeice fe lo perofeta Elia, hna qaja ha ngöne Malaki 4:5, 6. Nyidrëti a qaja aloinyi Ioane, me aceitunë angeice memine la itre perofeta ka mele pa hui angeic; hanawange la itre trenge ewekë ka anyipicine lai, kola hape: “Nyipici ini a qaja koi nyipunie, ka hape, Pëkö ka mama ngöne la hnaho ite föe la ka sisitia hui Ioane bapataiso; loi pe ame la ka co e angate hnine la baselaia ne hnengödrai, te, sisitia hui angeic. Nge qane la nöjei drai Ioane bapataiso uti hë enehila kola nyenyape ithepene la baselaia ne hnengödrai.”
Kola amamane e celë hnei Iesu, laka, thaa Ioane fe kö a tro hnengödrai eë, ke, ame la atr ka co ne la Baselaia, ka tru kö hui angeic. Hnei Ioane hna hnëkëne la gojenyi Iesu, ngo hnei angeice hna meci qëmekene tro Keriso a isisinyikeu memine la itretre drei nyidrë, göi troa ce musi me nyidrë hune la Baselaia i nyidrë. Celë hi kepine matre Iesu a qaja ka hape, thaa tro kö Ioane a hane sine la Baselaia e hnengödrai, ngo tro pë hë angeice a hane nyi jinine pe e celë fen. Luka 7:18-30; Mataio 11:2-15.
▪ Pine nemene matre Ioane a hnying, ka hape, maine jë Iesu hi lo atre ka troa xulu, maine tro kö a treqene la ketre?
▪ Tune la hna qaja hnei Iesu, nemene la itre ewekë hna perofetane hna eatrëne hnei Ioane?
▪ Pine nemene matre thaa Ioane bapataiso kö a troa hane ce me Iesu e koho hnengödrai?