Meken 65
Kola Tro Juetrë a Tro Ierusalema
EASË ngöne la macatre 32 M.K., itre hneijine trohneny, nge easenyi hë la pui ne xeni ne uma ne hunuma. Qaane lo kola thele hnei angetre Iudra troa humuthi Iesu, ngöne la Paseka macatre 31, hnei Iesu hna mekune troa pane catre cainöje e Galilaia. Maine jë hnei nyidrëti pë hë hna hane bëeke hmaca pe a tro Ierusalema, troa hane sine lo köni pui ne xeni hna kuca hnei angetre Iudra e nöjei macatre.
Ngo enehila kola upi nyidrë hnene la itre trejine me nyidrë, öni angatre ka hape: “Nue pi pe la, nge trojë Iuda eë.” Ierusalema la traone ka tru e Iudra, nge celë fe hnë traqa itronyi troa hmi hnene la nöjei atr asë ne la nöj. Önine la itre trejine me nyidrëti ka hape: “Pëkö ate kuca kete ewekë ngöne la ga sihngöd, e aja i angeice troa amamai angeice kö.”
Ngacama thaa lapaune kö Iakobo, me Simona, me Iosefa, me Iuda, laka, Iesu la Mesia, ngo angatre a ajane tro la trejine me angatre haetra a amamane la mene i nyidrë kowe la nöjei atr asë ka troa traqa troa sine lai pui ne xen. Ngo atrehmekune hnyawa hi Iesu la ewekë ka ngazo ka troa traqa. Öni nyidrëti ka hape: “Tha ’teine kö la fene hnengödrai troa methinë nyipunie, ngo loi pe kola methinë ni, qa ngöne la ini a anyipicine laka, ngazo la ite huliwa ne ej.” Haawe, Iesu a qaja kowe la itre trejine me nyidrëti ka hape: “Trojë nyipunie kowe la pui ne xeni cili; tha tro fe kö ni kowe la pui ne xeni cili enehila, ke tha traqa petre kö la ijineng.”
Sevene lao drai ne pui ne xeni ne hunuma. Kola nyipune ngöne la drai hna eitren. Ame la pui ne xeni celë ka nyipune la macatre ne eëny, celë hi ketre ijine ce madrin, me amamane la ole koi Akötresie. Nyimutre la itre drai thupene la hna tro pa hnene la ka ala nyimu memine la itre trejine me Iesu, haawe, Iesu a tro juetrë ju memine la itretre drei nyidrë, me zaene la itre atr. Thaa xome kö angatre la gojenyi hna lapaa trongëne hnene la itre atr, ezine trootro la hneopegejë e Ioridrano, ngo angatre a thupa Samaria thenge.
Pine laka, angatre a troa pane mano ngöne la ketre tribu ne Samaria, haawe, Iesu a upe panëne jë la itre maca, matre troa thele hnalapa. Ngo xele kö la itre atr ma drei nyidrë, ngöne la angatre a drenge ka hape, nyidrëti a tro Ierusalema eë. Thaa madrine kö Iakobo me Ioane, matre nyidroti a hnyingë Iesu ka hape: “Joxu fe, ajane cilieti tro nyiho a qaja kowe la eë troa uti qa hnengödrai troa deuthe tiji angat?” Nyidrëti a haji nyidro pine la mekune i nyidro, nge angatre a tro pi kowe la ketre lapa pena ha.
Ngöne la gojeny, kola qaja koi Iesu hnene la ketre atre cinyihane ka hape: “Joxu fe, tro ni a xöte thenge cilie kowe la hnei cilieti hna troa tro kow.”
Öni Iesu e sa ka hape: “Ame la nöjei alope, te, hete hna xudawa, nge ame la nöjei waco e caha, te, hete hna nyi tengen, ngo tha hetenyi kö la Neköi ate la nyine tane la he.” Iesu lai a qeje pengöne kowe la atre cinyihan, ka hape, troa traqa la itre jole koi angeic, e tro angeice a hane ketre atre drei nyidrë. Nge nyidrëti a mekune mainëne ka hape, ketre atr lai ka pi draië catr, matre thatreine kö troa kapa la aqane mele celë.
Öni Iesu kowe la ketre atr ka hape: “Xöte thenge ni jë.”
Kola sa hnene lai atr ka hape: “Pane nuengë nieti pi jötëti a dawa kaka.”
Öni Iesu ka hape: “Qâ i ite ka meci pe kö troa keleme ite meci angat; ngo tro jë eö a cainöjëne la baselaia i Akötesie.” Thaa meci jë pala kö la keme ne la atr celë, ke, maine ju, paatre fe kö angeice troa hane drei Iesu. Ngo kola mama hnyawa pe laka, kola sipone hnene lai atr koi Iesu troa treqene matre pane meci pi la keme i angeic. Thaa hane petre kö angeice hnëkë troa amë panëne la Baselaia, ngöne la mele i angeic.
Iesu me itretre drei nyidrë a xome la gojenyi ne tro Ierusalema, ame hna qaja koi nyidrë hnene la ketre atr ka hape: “Tro ni a xöte thenge cilie; ngo pane nuengë nieti pi troa iahni memine la lapang.”
Iesu a sa koi angeice ka hape: “Pëkö atr e ase hë amë la ime i angeice ngöne la nyine uja dro, me xei, a ijije la baselaia i Akötesie.” Eje hi laka, ame koi itre atr ka ajane troa itretre drei Iesu, loi e tro angatre a goeëne pala hi la huliwa ne Baselaia. Tune la atre ujë dro a goeëne pala hi qëmeke i angeic, matre thaa tro kö a qali la itre xötre iumanyi angeic, ame la atr ka xei hmaca hutrö kowe la fene ka ngazo celë, canga jea hi angeice qa ngöne la gojenyi ne tro kowe la mele ka thaa ase palua kö. Ioane 7:2-10; Luka 9:51-62; Mataio 8:19-22.
▪ Drei la itre trejine me Iesu, nge nemene la mekune i angatre koi nyidrë?
▪ Pine nemene matre pëkö hni ne ajane la itretre Samaria troa ikep, nge nemene la hna ajane troa kuca hnei Iakobo me Ioane?
▪ Nemene la itre ewekë hna porotrikëne hnei Iesu memine la itre atr ka ala köni ngöne la gojeny, nge tune kaa la aqane amamane Iesu la enyipi ewekëne la troa hetrenyi la ajane troa hujëne la mele së kowe la huliwa ne Baselaia?