Mekene 1
Hapeu, Akötresie a Hane Kukehni Së?
1, 2. Nemene la itre hnyinge ne la itre atr ka thele la pengöi Akötresie, nge pine nemen?
NGÖNE la itre xaa ijine ne la mele i epun, ke, ma hnei epuni hë hna hane thele ka hape: ‘Maine nyipici laka, hetre Akötresie ka meku së, pine nemene kö la Nyidrëti a nue la nöjei akötr ka kösau?’ Hne së asë hi hna akötr, maine pena hetre atr hne së hna atre ka tune lai.
2 Ngöne la mele ne la atr, hnei angeice pala hi hna akötre me hleuhleu pine la itre isi, me itre aqane iangazo, me itre ihumuth, nge hnene fe laka, pëkö meköt, me pë ewekë, me kucakuca, nge hna meci fe hnene la itre atr hne së hna hnim. Hna e la 100 milio lao atr ka meci ngöne la itre isi ne la hneijine së hmekuj. Nge itre hadredre milio lao ka hleuhleu, nge luzi hë la itre uma i angatre me itre mo i angatr. Tru catre la nöjei ewekë hna xouene ka ajolëne la mele së enehila, matre kola akötre la itre atr ka ala nyim, me latresi, nge pë hë caa mejiune i angatre kowe la mele ka loi.
3, 4. Nemene la hna mekune hnene la itre atr, ka xulu qa ngöne laka, Akötresieti a nue la akötr?
3 Haitre hë la hni ne la ka ala nyim, nge angatre a mekune ka hape, maine hetre Akötresie, ke thaa Nyidrëti kö a hane kukehni së. Hetrenyi mina fe la itre xane ka mekune ka hape, pëkö Akötresie. Hanawange la ketre ceitun, hna pane hnyinge hnene la ketre trahmanyi ka hane kepe thangane ka ngazo qa ngöne lo itre iakötrë ngöne la pane isi ka tru e celë fen, nge hna meci fe ngöne la ijine cili la itre sine ce elo i nyidrë me itre xaa atrene la fami, öni nyidrë ka hape: “E kaa Akötresie ngöne la itre ijine easë a ajane catrë nyidrë?” Hetrenyi mina fe la ketre atr, thelene lo itre hna ihumuthe ngöne la hnaluene isi ka tru, a itre milio la etrun, nge hna hane akötrëne hnene la aqane iakötrë ngöne la ijine cili, öni nyidrë ka hape: “Maine tro epuni a hadrume la wenethëhming, tro epuni a meci hna apoizinën.”
4 Qa ngöne lai, thatreine kö troa trotrohnine hnene la itre atr ka nyimutre, la kepine matre kola nue hnene la Akötresie ka lolo la itre ewekë ka ngazo. Angatre a isa hnyingëne thele ka hape, Nyidrëti jë kö a hane kukehni së, maine pena ka mele jë fe kö Nyidrë. Nge nyimutre mina fe la itre ka mekune ka hape, ame la akötr, ke, sine trongene kö la melene la atr.
[Iatr ne la götran 2, 3]
Hapeu, pëkö akötr ngöne la fene ka hnyipixe laka calemi hë?