Mekene 1
Ijije Tro Epuni a Hetrenyi La Mele Ka Sheminge Ngöne La Itre Drai Ka Calemi!
1, 2. Nemene la ajane la Atre ixupe göi nyipunie?
HNA silegö nyipunie hnene la atr hnei epuni hna hnim. Hnei epuni memine la itre sinee i epuni hna ce ihnyima me ce xen. Ketre madrine ka tru la kola goeëne la itre nekö i epuni e ce elo, me ce madrin. Drei lo la itre ijine ka sisitria ngöne la mele ne la atr. Ngo, ame kowe la ka alanyimu, ke, hna xomacone la mele i angatre hnene la itre ejolene ka tru ne la mel. Nge, maine itre ewekë hë lai hnei epuni hna melën, ke, ange catre pi troa mele tune lai.
2 Ame la aja i Akötresie, ke, ene la tro nyipunieti a mel, me hetrenyi la manathithi ka epine palua ngöne la fene ga sheminge me lolo. Tha ceitune kö lai memine la ewekë hnei epuni hna puj. Ame la kii cili, ke, ene la atrehmekun.
3. Atrehmekune qathei drei la ka hamë manathith, nge pine nemene matre ka xecie koi së laka ijiji Akötresie troa hamë së la atrehmekune celë?
3 Easë a ithahnataane la atrehmekune ka sisitria, hna thaa traqa kö kow hnene la inamacane i atr. Celë hi lai aqane troa “ate Akötesie.” (Ite Edomë 2:5) Traqa ha enehila kowe la lue thauzane lao macatre, hnene la ketre atre cinyihane la Tusi Hmitrötre hna qaja ka hape: “Ke hetete acile la nöjei uma asë; ngo Akötesie la ate xupe la nöjei ewekë asëjëihë.” (Heberu 3:4) Drei lai atrehmekune ka eje thene la Atre xupe la nöjei ewekë asëjëihë! Tusi Hmitrötr a qaja ka hape Akötresieti a e, me ati ëjene la nöjei wëtresij. Hetre itre thauzane miliare la etrune lao itre wëtresiji ngöne lo finiwëtresij, lo hna hëne ka hape galaksi, laka hna finithe fe la fene së e hnin, nge hna qaja hnene la ketre atr ka inine la pengöne lo itre wëtresiji ka hape, hetrenyi pala kö la itre xaa thauzane miliare lao finiwëtresij, haawe, drei la ketre mekune ka tru alien! (Salamo 147:4) Pine laka, atrepengönyi së asë hnyawa hnei Akötresie, Nyidrëti hmekuje hi nge pë kö caa atr ka ijije troa qejepengöne hnyawa la mel?—Mataio 10:30.
4. Pine nemene matre meköti la tro Akötresie a hamë së la itre ini, nge itusi kau la ka qatrenge la itre ithuemacany?
4 Hanawange la ketre ceitun, hnene la lue trahmanyi hna tupathe troa isa kuca la lue loto i nyidro. Traqa ju hi la sixele koi ketre, nge nuetrije ju hi angeice la huliwa i angeic. Ame pe ketre, hnei angeice hna xötrethenge la itre hna amekötin, ene lo aqane troa kuca la itre hnepe ejolene la loto i angeic, haawe, thupene hë lai, ame hë la kola auliline la loto, pë ju kö ejolen, ketre tune fe la kola nyinyapëne ej pë kö hnepe engazon. Hanawange la kola amamane hnyawa la atr xomi ini qa thene la atre xupi loto. Haawe, hapeu, thaa Akötresieti kö la atre troa hamëne la itre ini nyine troa amekötiine la mele së? Eje hi, hna amamane hnene la Tusi Hmitrötre laka eje la—itusi cili hna kapa qa thene la Atre xupi së, nyine troa ini së me ameköti së, nge tro ej a aijijë së troa atrehmekua Akötresie.—2 Timoteo 3:16.
5. Nemene la esisitriane la atrehmekune hnine la Tusi Hmitrötr?
5 E maine ka nyipici lo itre hna amamane hnene la Tusi Hmitrötr, haawe, wangatrune ju la trengamo, ene lo atrehmekune hna qatrenge hnene ej! Hnene la tusi Ite Edomë 2:1-5 hna upi së troa thele la inamacan, nge troa sine thele eje tune la easë a thele la trengamo ka sihngödr—tha ene kö la troa thele la inamacane i atr, ngo ngöne pe la Wesiula i Akötresie. Eje hi, e tro së a sine thele ej, ke, tro hë së lai a “ate Akötesie.” Pine laka, trotrohnine hi Nyidrëti la atreine së, memine la itre aja së, haawe, Nyidrëti a hamë së la itre hna amekötine matre eatrongë së kowe la mele ka tingetinge me manathith. (Salamo 103:14; Isaia 48:17) Ketre mina fe, kola hamë së hnene la atrehmekune i Akötresie la ketre maca ka loi nyine ithuecatre koi së.
MEL KA PË PUN!
6. Nemene la ewekë ka xecie koi Iesu ngöne la atrehmekune i Akötresie?
6 Iesu la atre ka hlemu loi ne la nöjei ka qa hna mele e celë fen, nyidrëti lo ka amamane hnyawa la götrane ka sisitria ne la atrehmekune i Akötresie. Hnei nyidrëti hna qaja ka hape: “Nge dei lola mele ka tha ase palua kö, laka tro angat’a ate hmekua cilie la nyipi Akötesieti ka cas, me Iesu Keriso la hnei cilieti hna upengëtin.” (Ioane 17:3) Mekune hnyawa ju së—atrehmekune la ka troa fe gojenyi së kowe la mele ka pë pun!
7. Hne së hna atre tuneka laka, thaa ka ihmeku kö memine la trepene mekune i Akötresieti la tro së a mec?
7 The canga thipe trije kö la mekune kowe la mele ka thaa ase palua kö ceitu me itre pu ne jidr. Goeëne hnyawa ju pe la aqane xupe la ngönetrei ne la atr. Hna xupe aketrepengönëne matre atreine drem, me dreng, me punepun, me goeën, me ketr. Drei lai itre götrane la ngönetrei së hna amadrinëne hnene la nöjei ewekë ka nyimutre ka eje e celë fen—tune la itre xeni ka pui loi me aqane nyima ne la itre waco, me puipuiloine la itre iengen, me emingömingöne la itre xaa hnepe götrane nöj, memine la kola ce mele ka loi memine la itre sinee! Ketre mina fe, nyine haine la atuate së, pine laka sisitria catre kö eje hune la ordinatöre ka catrehnine catr, ke, atreine eje aijijë së troa öhnyi loine la nöjei ewekë celë. Tuneka fe la mekune i nyipunie, ajane kö la atre xupi së la tro së a mec matre gufa kö së troa hane kepe thangane ka loi ne la itre ewekë celë? Hapeue ju hë la pune la itre mekune celë, aja i Akötresieti kö tro së a mele madrine uti hë epine palua? Kolo hi lo sipu aliene lai koi nyipunie la atrehmekunyi Akotresie.
MELE NGÖNE PARADRAISO
8. Nemene la hnei Tusi Hmitrötre hna qaja göne la pune kowe la itre atr?
8 Drei la pune la hna thingehnaeane hnene la Tusi Hmitrötre kowe la ihnadro memine la fene hnengödrai: Paradraiso! Hnei Iesu Keriso hna qaja la ithahnata celë kowe la atr ka tro ha mec: “Tro eö a ce me ini ngöne la paradaiso.” (Luka 23:43) Nyipici laka, ijije troa canga mama la mekune celë thene la atr, pine laka, kolo hi lo manathithi lai hna melëne ekö hnene la lue pane keme me thine së, ene Adamu me Eva. Ame la Akötresieti a xupi nyidro, ke, ka pexeje nyidro, nge nyidroti a mele ngöne la hlapa lo hnene la Atre ixupe hna hnëkëne me eën. Kola trongëne hnyawa la ëje cili hnene la aliene ej, pine laka Edena kola hape, madrin.
9. Tuneka lo mele ngöne lo pane paradraiso?
9 Drei la ketre hlapa ka mingöming! Celë hi lo paradraiso. Lolo nge ciahloeë la nöjei sinöe e hnine la hlapa, nge kolo mina fe a wawene nyine xeni hnene la itre xan. Hnei Adamu me Eva hna ihamë trootro ngöne la hlapa, me iji la timi ka loi, me xeni wene la itre sinöe, nge pë kö ketre ewekë nyine tro nyidroti a xouene me hnehengazon. Pë kö öni ne hnitre ka thele jëne troa heji nyidro, ke, hnei Akötresieti lo hna xupe la atr trahmanyi me föe troa thupëne me hnime hnyawa nyudren. Ketre mina fe, pë kö ethane la mele ne la lue pane trefën. Tro nyidroti a kapa paluane la mele ne manathithi cili, e tro pala hi nyidro a drenge thenge Akötresie. Lolo mina la huliwa hna upi nyidro troa kuca, ene la troa nyidrawane la hnë hlapa ka mingöminge hna hamë nyidro. Hnëqa i Adamu me Eva la troa “atiqane la fene hnengödrai, me xom acon ej,” ngo tro nyidro me itre matra i nyidro a eëne trongëne la fene asë matre Paradraiso asë pi ka sheminge me lolo.—Genese 1:28.
10. Ame ngöne lo Iesu a qaja la paradraiso, ke, nemene la alien ej?
10 Ame la Iesu a qaja la paradraiso, ke, thaa nyidrëti kö a amexeje kowe la atr ka troa meci matre mekune hmaca së lo Paradraiso ka patre hë. Ohea, Iesu pe a qaja la itre drai ka calemi! Atre hi nyidrë laka, tro hmaca la fene celë a paradraiso. Haawe, tro ha eatre la trepene mekune i Akötresie kowe la nöjei atr memine la fene hnengödrai. (Isaia 55:10, 11) Nyipici, troa acile hmaca la paradraiso! Nge, nemene la pengöne la Paradraiso cili? Nue pi la Wesiula i Akötresie, ene la Tusi Hmitrötr, troa sa la hnyinge celë.
MELE NGÖNE LA PARADRAISO HNA ACILE HMACA
11. Ngöne la paradraiso ka troa traqa, tuneka ju hë la wezipo, me qatr, me mec?
11 Pë hmaca kö ka troa wezipo, me qatre me troa mec. “Ame hna troa ahlëne la ite lue meke ne la ite timek, me fepi la ite lue hnangenyë ne la ite ka sim; ame hna sheshë draië la ite ka genyi ca tune la aila, nge troa nyima la sesepeneqe ne la humu.” (Isaia 35:5, 6) “Nge tro nyidëti Akötesieti a ce me angatr, ene Akötesi angatr. Nge tro nyidëti a köle tije la nöjei tenge timida asëjëihë qa ngöne la itre lue meke i angatr; nge pa hmaca kö mec, me hace hni, me teij, me aköt; ke patrë hë la itre ewekë hnapan.”—Hna Amamane 21:3, 4.
12. Pine nemene matre xecie koi së laka troa paatre la ihumuth, me iakötrë, me iaxösisi ngöne la paradraiso hna troa acil?
12 Pë hmaca kö troa hetre ihumuth, me iaxösisi me iakötrë. “Ke tro ha thupa tiji angete kuca la ngazo . . . Ke panacas, ame hna patepi la ate ka ngazo . . . Patë hë nyën. Nge tro la ange ka menyike a hetenyi la nöj.” (Salamo 37:9-11) “Nge troa thupa tije la ite ka ngazo qa ngöne la nöj, nge troa feje tije la itete iaö qa ngön ej.”—Ite Edomë 2:22.
13. Nemene la aqane tro Akötresie a hamëne la tingeting?
13 Tro la tingeting a jilapaane la fene asë. “Kola nyipune la ite ishi uti hë la cane la fene hnengödrai; tro nyidëti a hutra la tane pehna, me axeciëne la jo.” (Salamo 46:9) “Tro la ate ka meköti a mitefifë; nge tro ha tru la tingetinge uti hë pë teu.”—Salamo 72:7.
14, 15. Nemene la hna thingehnaeane hnei Tusi Hmitrötre göi hnalapa, me huliwa, me xeni ngöne la paradraiso hna troa acil?
14 Troa isa hetre uma ka cile huti me huliwa ka lolo. “Nge tro angat’a xupi ite uma ne lapan’it’ej . . . Tha tro kö angatr’a xupi uma, nge kete ate a lapan; thaatro kö angat’a eënyi vin, nge tro kete ate a ij; ke ame la ite drai ne la nöjeng’a tune la ite drai ne la sinö; nge tro la ite hnenge hna iëne a mele ahoeane kowe la huliwa ne la ite ime i angat. Tha tro kö angat’a huliwa gufa, nge thaatro kö angat’a hnaho nekönate ka troa canga mec.”—Isaia 65:21-23.
15 Troa mana la xeni ka pë ethan. “Loie eje la qite ka nyimute ngöne la nöj, hune la hene la ite wet.” (Salamo 72:16) “Ase hë wa la fene hnengödrai; tro ha amanathithi shë hnei Akötesie, ene la Akötesi shë.”—Salamo 67:6.
16. Pine nemene laka troa sheminge me lolo la mele ngöne la paradraiso?
16 Tro hë a sheminge me lolo la mele ka tha ase palua kö ngöne la paradraiso ecelë fen. “Tro ha la ange ka meköti a hetenyi la nöj, me lapa palua kö ngön’ej.” (Salamo 37:29) “Tro la hnapapa memine la ga qaqacil’a madin’it’ej, nge tro la hnit’a aciacin, me enge tune la peledë.”—Isaia 35:1.
ATREHMEKUN, MEMINE LA ITRE DRAI KA CALEMI THATRAQAI NYIPUNIE
17. (a) Nemene la nyine tro së a kuca e ajane së troa manathithi me mele ngöne la paradraiso? (b) Drei la atre troa thuemacanyi së la aqane tro Akötresieti a ujëne aloine la mele e celë fen?
17 E maine nyipunie a ajane troa kapa madrine la mele ngöne la paradraiso, ke, loi e thaa tro pi kö la ketre ewekë a ajolë nyipunie troa hetrenyi la atrehmekune i Akötresie. Tru la ihnimi nyidrë koi së, celë hi matre tro nyidrëti a ujëne la fene celë matre tro ej a paradraiso. E maine hetrenyi thei nyipunie la mene ka ijij, ke, hapeu, thaa tro kö nyipunie a apatrene la akötr memine la iangazo ka haöthe la fene hnengödrai? Hapeu, thaa tro kö Akötresieti a aeatrëne lai? Eje hi laka, Tusi Hmitrötre hmekuje hi la ka qaja la ijine tro Akötresieti a apatrene trije la itre icilekeu ne la fene celë, me nyihnane eje hnene la musi ka pexej, me ka meköt. (Daniela 2:44) Ngo, hetre ketre ithuemacanyi kö ka sisitria hnei Tusi Hmitrötre hna qaja koi së. Eje a amamai së la nyine tro së a kuca matre itre thelene pe së ka troa mele palua e celë fene hnengödrai ka hnyipixe lo hna thingehnaeane hnei Akötresie.—2 Peteru 3:13; 1 Ioane 2:17.
18. Nemene la thangane ka loi hna kapa enehila qa ngöne la atrehmekune i Akötresie?
18 Hetre thangane ka loi la atrehmekune qathei Akötresie koi nyipunie enehila. Tusi Hmitrötre hmekuje hi la ka sa la itre hnyinge ka tru alien, nge ka nyipi ewekë thatraqane la mele së. E maine tro së a xötrethengene la itre hnei nyidrëti hna amekötin, eje hi laka, tro hë së lai a easenyi catre koi nyidrë. Drei la ketre manathithi ka tru! Ketre, jëne tro nyipunie lai a kapa madrine la tingetinge hnei Akötresieti hmekuje hna troa hamën. (Roma 15:13, 33) Hnene laka epuni a xötrethenge la atrehmekune ka ithue mel, hawe epuni hi a trongëne la gojenyi ka sisitria, nge ka troa hamëne la manathihthi thatraqane la mele i nyipunie. Tha tro jë kö nyipunie a ietrane pine la hnei epuni hna kapa la atrehmekune i Akötresie, atre eatrongë nyipunie kowe la mele ka thaa ase palua kö.
19. Nemene la hnyinge hne së hna troa ce wange ngöne la mekene e thupen?
19 Hne së hna amamane la Tusi Hmitrötr, pine laka atrehmekune i Akötresieti la aliene ej. Haawe, hne së hna atrepengöne tuneka ka hape thaa itusi kö ka traqa qa ngöne la inamacane i atr, ngo ketre ewekë pe ka sisitria hune lai? Easë a troa ce wange la mekune celë ngöne la mekene thupen.
HAPEUE LA HNEI EPUNI HNA ININ
Ijije tro nyipunie a kapa la manathith ene la mele ka tune la!
Haawe nemene ju hë la nyine tro nyipunie a hane kuca? Tro epuni lai a atrepengöne jëne la ketre atrehmekune ka sisitria.
Tro la itusi celë a xatua nyipunie troa hetrenyi la atrehmekune ka eatrongë nyipunie kowe la mele ka pë pun.
Pine nemene matre atrehmekune qathei Akötresie la ka ijije troa eatrongë nyipunie kowe la manathithi ka epine palua?
Nemene la pengöne la mele ngöne la paradraiso ka troa traqa e celë fen?
Pine nemene matre qaane enehila manathithi fe hë la ange ka kapa la atrehmekune i Akötresieti?