Ini 16

Iëne Jë Troa Nyi Hlue i Akötresie

Tro epuni a kuca tune ka matre itre enehmu i Akötresieti fe epun? (1, 2)

Tro epuni a nue tune ka la mele i epuni koi Akötresie? (1)

Eu la ijine tro epuni a xomi bapataiso? (2)

Tro epuni a hetrenyi tune ka la trenge catre matre lapa qale pala hi epuni me nyipici koi Akötresie? (3)

1. Maine hetrenyi fe la ajane thei epuni troa hane enehmu i Akötresie, ke, nyipi ewekë tro epuni a atrehmekune la nyipici qa hnine la Tusi Hmitrötr (1 Timoteo 2:​3, 4), lapaune kowe la itre ewekë hnei epuni hna inin (Heberu 11:⁠6), ietrane la itre ngazo hnei epuni hna kuca (Ite Huliwa 17:​30, 31), me saze la aqane mele i epun. (Ite Huliwa 3:19) Thupene lai, tro la ihnimi epuni koi Akötresie, a upi epuni troa nue apexejenyi epuni koi Nyidrë. Kolo lai a hape, epuni a ketre sipu qaja koi Nyidrë ngöne la thithi laka, epuni a hamëne la mele i epuni matre troa kuca la aja i Nyidrë.​—⁠Mataio 16:24; 22:37.

2. Thupene la hnei epuni hna nue apexejenyi epuni koi Akötresie, ke, loi e tro epuni a xomi bapataiso. (Mataio 28:​19, 20) Jëne la Bapataiso, kola atrehmekune hnene la nöjei atr laka, ase hë epuni nue apexejenyi epuni koi Iehova. Haawe, ame la bapataiso, ke, thatraqane hmekuje hi la itre ka nyipi atre hë la mekune me atreine wai ewekë, göne la troa nyi hlue i Akötresie. Ame la kola bapataisone la ketre atr, ke, kola troa hetine asë la ngönetrei angeice hnine la tim, a thaa tro ju kö a lapa aqeany.a​—⁠Mareko 1:​9, 10; Ite Huliwa 8:⁠36.

3. Thupene la hnei epuni hna nue la mele i epuni koi Iehova, ke loi e tro epuni a eatrëne la hnei epuni hna sa xepu,b celë hi ewekë lai hnei Nyidrëti hna ajane thei epun. (Salamo 50:14; Ate cainöj 5:​4, 5) Tro hë Diabolo a tupath, troa ajeanyi epuni qa ngöne la aja i epuni troa nyi hlue i Iehova. (1 Peteru 5:⁠8) Ngo lapa easenyi Akötresieti ju ngöne la thith. (Filipi 4:​6, 7) Inine jë la Wesiula i Nyidrë, ngöne la nöjei drai. (Salamo 1:​1-3) Fedre catre jë kowe la ekalesia. (Heberu 13:17) Maine tro epuni a trongëne asë la nöjei ewekë celë, ke, tro hë epuni a hetrenyi la trenge catre ka ijij, matre troa nyipici pala hi koi Akötresie. Nyipici, atreine tro epuni a kuca la nöjei ewekë hnei Akötresieti hna amekötine koi epun, uti hë epine palua!

[Hna xome ngön la foto]