Hapeu Iehova Kö a Hane Drei Së?

Akötresieti a drenge la itre thithi së. 1 Peteru 3:12

Iehova la “Ate shamatine la thith.” (Salamo 65:2) Nyidrëti a ajane tro sa fe la itre hni së koi Nyidrë.

Iehova hmekuje hi la nyine tro sa thithi kow.

Nyimutre la itre ewekë nyine tro nyipunieti a thithi fë. 1 Ioane 5:14

Thithi jë matre troa eatre la aja i Akötresie e celë fen tune e koho hnengödrai.

Sipone jë koi Iehova troa xatua nyipunie troa kuca la loi. Ketre, thithi jë troa olene la xen me huliwa, me hnalapa me iheetr, me thithi fë la itre sine meci nyipunie.

Thithi fë jë la itre ewekë cili ngöne la ëje i Iesu matre troa amamane ka hape, nyipunieti a wanga atrune la hnei Iesu hna kuca thatraqai nyipunie.