Nemene La Aqane Goeëne Epuni La Itre Drai Ka Calemi?

HANE HI LA HNA QAJA HNENE LA TUSI HMITRÖTR

“Tro Akötresieti . . . a köletrije la itre trenge timidra qa ngöne la itre lue meke i angatr, nge pë hmaca kö mec, me hleuhleu, me treij, me akötr. Patre hë lo itre ewekë hnapan.”—Hna Amaman 21:3, 4, Fene Ka Hnyipixe.

HANE HI LA ALIENE KOI SË

Troa hetre huliwa ka lolo, nge ka thue madrine koi së.—Isaia 65:21-23.

Pëhë sine mec me akötr.—Isaia 25:8; 33:24.

Tru la madrine troa mele palua memine la itre fami me sinee së.—Salamo 37:11, 29.

TRO KÖ SA MEJIUNE KOWE LA HNA QAJA HNENE LA TUSI HMITRÖTR?

Eje hi, hane hi la lue kepin:

• Atreine hi Akötresie eatrën asë la itre hnei Nyidrë hna thingehnaean. Ame ngöne la Tusi Hmitrötr, Iehova Akötresie hmekuje hi la hna hën ka hape, “Ka Tru Trenge Men,” ke ka pëkö san la mene i Nyidrë. (Hna Amaman 15:3) Matre ijiji Nyidrëti hi troa eatrëne la hnei Nyidrëti hna qaja, ene la troa lolo la fen elany. Tune la hna qaja hnei Tusi Hmitrötr, “ame Akötresie, pëkö hnei nyidrëti hna thatrein.”—Mataio 19:26.

• Aja i Akötresie troa eatrëne la itre hna thingehnaean. Iehova a lapa treqene la ijin troa Nyidrëti a ahlëne la itre atr ka mec.—Iobu 14:14, 15.

  Öni Tusi Hmitrötre fe, hnene la nekö i Akötresie, ene Iesu hna aloine la itre sine mec. Hnauëne la nyidrëti a kuca lai? Pine laka, aja i nyidrë. (Mareko 1:40, 41) Hnei Iesu hna xötrethenge hnyawan la tulu ne la Keme i nyidrë, ke tru la aja i nyidrë troa xatuan la itre ka akötr.—Ioane 14:9.

  Matre xecie koi së laka, aja i Iehova me Iesu troa hamëne koi së la mele ka madrin elany!—Salamo 72:12-14; 145:16; 2 Peteru 3:9.