Aqane Troa Huliwane La Mani

Ka nyipi ewekë koi së asë la mani; ke, ketre jëne tro hi së lai a xome la itre ka nyipi ewekë kowe la hnalapa së. (Ite Edomë 30:8) Nyipici laka, “nyine titaxapo la mani.” (Ate Cainöj 7:12) Maine jë, nango jole koi epon lue trefën troa ithanatane la mani; ngo the nue kö la mani troa ajolëne la mele i epon. (Efeso 4:32) Nyipi ewekë tro epon a ce axeciëne la aqane tro epon a huliwane la mani, me ce hni.

1 AQANE TROA HULIWAN

ÖNI TUSI HMITRÖTR: “Dei e nyipunie, ate pi xupi ita, nge tha pane lapa kö troa e la thupen, hape u, hetenyi kö angeice la nyine umuth?” (Luka 14:28) Nyipi ewekë tro epon a pane ce ithanatane la aqane troa huliwane la manie i epon. (Amosa 3:3) Ce wange ju la ka nyipi ewekë, memine la etrune la mani nyine nyi thupen. (Ite Edomë 31:16) The tro kö a mekune ka hape, hetre manie së, matre tro pala hi sa itö ewekë. Wange kö ke, tru jë hnei gufa i epun. Huliwane ju hi la mani hna hetreny.—Ite Edomë 21:5; 22:7.

NYINE KUCA:

• Maine hetre munëne pala kö la manie i epon e pune treu, ce wange ju la aqane tro epon a huliwan

• Maine pë hë manie i epon e pune treu, thele jë la nyine troa kuca matre tha tro kö a itö menu. Maine jë, tha tro kö a lapaa itö ka tro hë, ngo tro pe a ketre kuci xeni ngöne la hnalapa

2 TROA HETRE NYIPI MEKUN

ÖNI TUSI HMITRÖTR: “Hnëkëne [jë] la nöjei ewekë ka loi, tha qëmeke i Joxu [Iehova] hmekuje hi, ngo qëmeke ne la nöjei ate fe.” (2 Korinito 8:21) Qaja mekötine pi kowe la föi epun la etrune la mani hna kapa, memine fe la hna itö.

Maine hetre mekune ka tru hnei epuni hna troa xom göne la aqane troa huliwane la mani, loi e troa pane ce ithanatane me föe hmunë. (Ite Edomë 13:10) Troa tingetinge la mele i epon lue trefën, e tro epon a majemine ce ithanatane hnyawa la aqane troa huliwane la mani. Tha tro kö a mekune ka hape, ame la thupe i epuni qaathei maseta, tre sipu manie i epuni cas, ngo manie ne fe la hnepe lapa. —1 Timoteo 5:8.

NYINE KUCA:

• Ce axeciëne ju la etrune la mani hnei ketre me ketre hna troa isa huliwan, nge ka tha nyipi ewekë kö troa ce ithanatan

• The treqene kö troa traqa la jole göi troa ithanata mani