MEKENE 12
Nemene La Ka Troa Xatua Epun, Matre Tha Tro Hmaca Kö Epuni a Nue La Ini Tus?
Ame la easa ngenu ngöne la ketre nöj, madrine catre së la easa öhne la itre ewekë ka mingöming nge ka hnyipixe. Ame pe, canga tro fe hi sa ixelë me itre jole e cili. Ceitune hi lai memine la ini Tusi Hmitrötr. Ame itre xa ijin, easa hnying ka hape: ‘Tro kö sa nu e traqa ju la itre jol? Ngo, pine nemene matre tha tro kö epuni a hmaca? Nge nemene la ka troa xatua epun matre tro kö epuni a ini Tus?’
1. Pine nemene matre nyipiewekë troa inine la Tusi Hmitrötr?
“Ka mele me mene la trengewekë i Akötresie.” (Heberu 4:12) Ka nyipiewekë la hna qaja hnei Tusi Hmitrötr, ke, ej a qaja la itre mekuna i Akötresie, memine la ihnimi Nyidrëti koi së. Ej a hamë së la nyipi atrehmekun, me nyipi inamacan, me mejiun. Nge ketre, ej a aijijë së troa nyisinee i Iehova. E tro sa inine la Tusi Hmitrötr, tro ha tro loi la mele së.
2. Pine nemene matre tro sa wangatrune la hna qaja hnei Tusi Hmitrötr?
Ceitune hi la Tusi Hmitrötr memine la ketre trengamo. Celë hi kepine matre Tusi Hmitrötr a qaja ka hape, “itönejë la nyipici, nge the itöne tije hmaca kö.” (Ite Edomë 23:23) Ame hë la easa öhne la thangan, kola thuecatre koi së troa inine palahi la Tusi Hmitrötr, ngacama traqa ju hë la itre jol.—E jë la Ite Edomë 2:4, 5.
3. Tune kaa la aqane tro Iehova a xatua epun?
Pine laka, Iehova la Atre Xup, Ka Tru Trenge Men, nge sinee i epun, haawe, ijije hi tro Iehova a xatua epun troa atre Nyidrë. Tro Nyidrëti a hamëne la “aja me trengecatre [koi epun] troa kuca.” (E jë la Filipi 2:13.) Maine pëkö aja me trengecatre i epun troa ini Tus me trongën, sipone jë la ixatua i Nyidrë matre troa cile kowe la itre jol, nge tro hë Nyidrëti lai a xatua epun. The mano kö thith troa sipo ixatua koi Iehova.—1 Thesalonika 5:17.
TROA CE ITHANATAN
Tro sa ce wang la itre nyine kuca matre tro palahi a inine la Tusi Hmitrötr, ngacama tru la itre jol me icilekeu. Nge tro fe sa ce wang la aqane tro Iehova a xatua së.
4. Amë panëne jë la ini Tusi Hmitrötre i epun
Ame itre xaa ijin, tru hne itre jole së matre easa qaja ka hape, ‘Pëkö traeme i easë troa inine la Tusi Hmitrötr.’ Matre nemene hö la nyine troa kuca? E jë la Filipi 1:10, nge ce ithanatane jë cahu itre hnying:
Ame koi epun, nemene la “ka nyipiewekë” kowe la mele së?
Nemene la aqane tro sa amamane ka hape, ka nyipiewekë koi së la ini Tus?
E tro sa amë panëne la ngöni, troa pë göhnene la itre wene etë
E tro sa amë panëne la itre wene etë, tro fe a hetre göhnene la ngöni. Maine tro sa amë panëne la itre ewekë “ka nyipiewekë,” ngöne la mele së, troa hetre ijine së troa eatrëne itre ej, me kuca la itre xaa huliwa hne së hna mekun troa eatrën
Ame la easa ini Tusi Hmitrötr, easa atre ka hape, ka nyipiewekë Akötesie koi së. Haawe, loi e tro sa thele troa atre Nyidrë me atrunyi Nyidrë ngöne la mele së. E jë la Mataio 5:3, nge ce ithanatane jë cahu hnying:
Nemene la thangane e tro sa amë panëne la ini Tusi së?
5. Catre jë, ngacama kola icilekeu
Hetre itre atr ka troa acilë epun troa inine la Tusi Hmitrötr. Tro sa ce wang la tulu i Francesco. Goeëne jë la VIDEO, nge ce ithanatane jë cahu itre hnying:
Ame la Francesco a qaja la hnei angeic hna inin, tune kaa la aqane ujë ne la thin me itre sinee i angeic?
Nemene hë la thangane la hnei angeic hna catr?
E jë la 2 Timoteo 2:24, 25, nge ce ithanatane jë cahu itre hnying:
Nemene la aqane goëe epun, hnene la fami me itre sinee i epun, la epuni a ini Tus?
Thenge la lue xötr, tro epuni a ujë tune kaa la kola wesitr koi epun pine inine la Tusi Hmitrötr? Pine nemen?
6. Sipo ixatua jë thei Iehova
Ame la easa atre Iehova hnyawa, kola thue aja koi së, tro palahi a amadrinë Nyidrë. Ngo, ame itre xaa ijin, nango jole koi së troa trongëne la itre hnei Nyidrëti hna amekötin. Maine celë hi la hnei epuni hna melën, the kucakuca kö. Tro kö Iehova a xatua epun. Goeëne jë la VIDEO, nge ce ithanatane jë cahu itre hnying:
Nemene la itre ewekë ka saze ngöne la mele i Jim matre amadrinë Iehova?
Nemene la ka ketri epun ngöne la mele i angeic?
E jë la Heberu 11:6, nge ce ithanatane jë cahu itre hnying:
Nemene la hnei Iehova hna kuca kowe la itre atr ka isine troa “thele nyidrë”?
Thenge la xötr, Iehova kö a wangatrune la itre trengecatre hnei epuni hna kuca matre troa inine la Tusi Hmitrötr?
IJIJE HI TROA HNYINGË EPUN: “Hnauëne la eö a ini Tusi Hmitrötr?”
Tro epuni a sa tune kaa?
HANE HI LA HNE SË HNA CE WANG
Ame la epuni a inine la Tusi Hmitrötr, celë hi la ka aijijë epun troa hetrenyi la mele ka pë pun. Tha ka hmaloi kö, ngo e tro epuni a mejiune koi Iehova, tro Nyidrëti a amanathithi epun.
Nyine Amekunën
Pine nemene matre nyipiewekë la hna qaja hnei Tusi Hmitrötr?
Tro epuni a amë panëne tune kaa la “ka nyipiewekë” ngöne la mele i epun?
Hnauëne laka, loi e tro palahi epuni a sipo ixatua koi Iehova matre troa ini Tus?
ITRE XAA NYINE WANG
Foa lao mekun ka xatuane la itre atr, troa huliwane hnyawane la traeme i angatr.
Ketre thin a isine troa amadrinë Akötresie, ngo tha trotrohni angeice kö hnene la föi angeic. Tune kaa la aqane xatua angeic hnei Iehova?
Ketre sinee i Akötresieti hë la ketre trahmanyi jëne la hna catr hnene la föi angeic.
Hne së hna lapa dreng la kola qaja ka hape, ame la itre Temoë Iehova ke, ka thi lapa. Ka nyipici kö lai?