Itre Ithuemacany

BAPATAISO Troa nue la itre göhnë qëmekene la ita ne cainöj thatraqane la itre ka troa xomi bapataiso. Tro angatr a canga lapa e cili, qëmekene troa cile fë la cainöj göi bapataiso e Mecixen hmakany. Loi e tro angatr a hnëkë trawel me nyine saze.

GÖHNË Mekune kö la itre xan, loi e tro hi a ami göhnë kowe la sipu fami epun, me kowe la itre ka ce ti loto me epun, me itre ka ce ini Tus me epun. The ami ewekë menu kö hune la itre xaa icea.

IKEP Ame la itre ka ikep tre, angatre hi la ka ijije troa xatua epun. Drei angatre ju me trongëne la itre hna amekötine göi acili loto, me göi ami göhnë, etc.

ITRE AHNAHNA Tru catr la itre ewekë hna nyithupene matre troa xatua së troa sine hnyawa la asabele me easenyi catre koi Iehova. Kola qaja la itre icea, me itre jia ne huliwa göi ikaho me video, me itre xaa ewekë ju kö. Itre ahnahna lai nyine jia ne la asabele me göi troa sajuëne la huliwa ne cainöj e cailo fen. Hetrenyi la itre hnë kuië ahnahna hna amë amamane hnine la hnë asabele. Ka nyipiewekë catre la itre ahnahna cili. Kola olene hnene la Lapa Ne Xomi Meköt la aqane hame i nyipunie matre troa sajuëne la itre huliwa ne la Baselaia.

ITRE EWEKË KA PATR Loi e troa hamëne itre ej ngöne lo hnë amë la itre ewekë ka patr. Maine patre jë la ketre ewekë i epun, tro jë kowe la hnë cili. Thatraqane mina fe la itre nekönatre ka patr. Ngo ame pe, tha hna ithupë kö lai. Isa thupë neköne hnyawa.

ITRE KA AJANE TROA IXATUA Ame la itre ka ajane troa ixatua, tre, loi e troa wange la trejine atrekë hnëqane lai.

PANE IXATUA Kola amekunë së ka hape, tro hi a tro kowe la biero celë la kola traqa la mec koi së.