XÖTREI IÖHNY
INI 4
Troa Hetre Ipië
Trepene meköt: “Ipië ju nge mekune ju ka hape, sisitria kö itre xane hui nyipunie.”—Fil. 2:3.
Tulu i Paulo
1. Goeëne jë la VIDEO, maine e jë la Itre Huliwa 26:2, 3. Nge mekune ju cahu itre hnying:
Pine nemen matre hnei Paulo hna ithanata cememine la ipië koi Ageripa Joxu?
Nemene la ka amamane laka, tha Paulo kö a qaja la mekuna i nyidrë, ngo Trengewekë i Iehova pe?—Wange ju la Itre Huliwa 26:22.
Ini Nyine Troa Hnehen
2. Tro la itre atr a ajane troa drei eö, e tro eö a ithanata cememine la metrötre me ipië.
Aqane Troa Nyitipu Paulo
3. The tro kö a pi mama. Troa hetre metrötr. E tro eö a pi nyi ka atrein, tro la atr a mekune ka hape, kola thaipië angeic.
4. Amamane hnyawane pi ka hape, ame la itre hnei eö hna inin, ke qa ngöne la Tusi Hmitrötr. Qaathene la ua i Akötresie la itre mekun, matre kola ketr la hni ne la itre atr. Tusi Hmitrötr la trepene la lapaune së. E tro sa huliwane ej, easë hi lai a xatuane la atr troa trotrohnin.
5. Tro pala hi a loi thiina. The thele kö troa hune fë mekun. Tro la ipië a xatua eö troa xomihni, me atreine troa nyipune hnyawa la porotrik. (It. Ed. 17:14; Tito 3:2) E tro eö a ujë cememine la menyik, maine jë tro lai atr a kepe eö hmaca e ketre ijin.