INI TUS
INI 12
Qaja Mekötine Jë La Hnei Epun Hna Öhn Thene La Ka Ini Tus
Trepene meköt: “Kola amadrinëne la hni hnei oel me ka pui loi; ketre tune fe la imelekeu hna nyiqane hnene la hna hamë eamo ka nyipici.”—It. Ed. 27:9, NWT
Tulu i Iesu
1. Goeëne jë la VIDEO, maine e jë la Mareko 10:17-22. Nge mekune ju cahu itre hnying:
Nemene la itre thiina ka loi hnei Iesu hna öhn thene lai atre cili?
Pine nemene matre easa qaja ka hape, ame Iesu ke ka ihnim, nge ka qaja mekötine la itre hnei nyidrëti hna öhn?
Ini Nyine Troa Hnehen
2. Maine easa ajan tro la itre ka ini Tus a kökötr ngöne la ini i angatr, tro sa amamane la ihnimi së koi angatr, la easa qaja mekötine la hnei easë hna öhn thei angatr.
Aqane Troa Nyitipu Iesu
3. Xatuane jë la hnei eö hna inin troa eatrëne la aja i angeic.
Huliwane hnyawa ju lo lai götrane hna hape, “Nyine Tro Ni a Eatrën” ngöne lo itus Gojenyi Kowe La Nyipi Mel!
Xatua angeice jë matre troa wang la aqane troa eatrëne la itre aja i angeic.
Qaja aloine jë la trengecatr hnei angeice hna kuca.
4. Wange ju la itre ewekë ka ajolë angeic troa eatrën la nyine tro angeic a kuca, nge xatua angeice jë.
Maine tha trongëne kö angeice la itre hna inin, thele jë ka hape:
‘Nemene la ka ajolë angeic?’
‘Nemene la nyine tro ni a kuca matre troa xatua angeic?’
Sipo Iehova jë la trengecatr, matre xatua eö troa qaja amenyikën la jole ka eje thei angeic.
5. E pëkö thangane la ini Tus, ke ka loi troa nu.
Ame la ini Tus ka hetre thangan:
Ke tro la ka ini Tus a trongëne la itre hnei angeice hna inin,
me sine la itre icasikeu ne la ekalesia, me qeje Tusi Hmitrötr koi itre xan,
me qaja koi eö ka hape, aja i angeice hë troa hane nyihlue i Iehova.
E tha catre kö angeice trongëne caha itre hna qaja:
Hnyingë angeice jë ka hape, nemene la ka ajolë angeic.
Qaja amenyikëne jë koi angeice la kepin, matre tro ha nue la ini Tus i angeic.
Qaja hnyawane jë koi angeice la nyine tro angeic a kuca, matre tro hmaca angeic a ini Tus.