Kola Sa Hnei Tusi Hmitrötr
Nyipici kö ka hape, hetre itre atr hnei Iesu hna amelene hmaca?
Iesu a amele Lazaro thupene la foa lae drai
Celë hi lai hna qaja hnei Tusi Hmitrötr. Tha itre ifejicatre kö lai, ke hna qaja hnyawane kö la götrane me ijine kola amele angatr. Ame la ketre atr, tre hna amelene lo 31 M.K. hmekune lo ijine hedredrei. Kolo ijine kola ce tro hnei Iesu memine la ka ala nyim qa Kaperenauma, me traqa kowe la itre xa atr e Naina. Nyipici hi lai, ke Tusi Hmitrötr la ka qaja, nge ala nyimu la ka öhn me jelenyipicine la ewekë cili.—E jë la Luka 7:11-15.
Hnei Iesu fe lo hna amele Lazaro hmaca, thupene la foa lae drai. Ala nyimu mina fe la itre atr ka öhnyi Iesu e amele angeice hmaca.—E jë la Ioane 11:39-45.
Hnauëne laka Iesu a amele angatre hmaca?
Ihnimi la ka upi nyidrë. Nge nyidrëti ekö a pi amamane ka hape, hnei Akötresieti hna hamë nyidrë la men göi troa ngaane la mec.—E jë la Ioane 5:21, 28, 29.
Celë hi lai ka acatrene la mejiune së kowe la itre hnei nyidrëti hna thingehnaean. Tru catr elany la itre atr hnei Iesu hna troa amelene hmaca. Tro fe a hane amelene lo itre ka thatrepengöi Akötresieti kö, matre tro angatr a inine la pengö i Nyidrë, me hnimi Nyidrë.—E jë la Ite Huliwa 24:15.