Thele Jë La Aqane Troa Kuca Matre Tro La Itre Atr a Drei Epuni Hnyawa
1 Alanyimu la itre atr hne së hna öhne ngöne la hna cainöje trootro, ka tha hane kö hnengazone la itre ewekë ne ua, ke kola xomehnöthi angatre hnene la itre ejolene la fami, itre ejolene göi mani, maine itre xaa sipu jole kö ka eje thei angatr. Loi e tro së a qaja la ketre ewekë ka traqa, nge ka ketr la itre ka lapa ezi së matre troa nyiqaane ithahnata me angatr. Nyipi ewekë la itre hnying, ngöne la easë a mekune troa amejëne la aja ne la atr, matre upi angeice troa hane sine la ithahnata. Tha tro kö së a hamëne la itre hnyinge ka iangazo, ngo nue jë pe itre ka troa hetre thangan.
2 Eje hi laka, maine ajane së troa hetre ka drei së hnyawa, ke, qaja ju ka hape:
◼ “Hapeue lai. Ame la ejeng, ke,... Eni a lapa e cië ezi nyipë. Eahuni hi la a ase ithahnatane memine la itre xaa atr la itre ewekë hna seseun [porotrikëne ju la ketre ithuemacanyi hna iqajakeun hnene la nöjei atr ezi epun, maine ketre ewekë pena ka akötrëne la itre atr ngöne la nöje i epun]. Hapeu, aja i Akötresieti kö tro la fene hnengödrai a tune la?” Nue pi troa sa. Tarak Une vie paisible dans un monde nouveau a sa hmekune lai hnying. Maine ijije göi traem, ke, wange ju la ketre iatr ngöne lo götrane 1, memine la ketre ithuemanyi ngöne la itre paragaraf 1-3. Thupene lai, ke, amamane ju hë la itus Vivre éternellement. Ce wange ju fe la tusi Salamo 37:9, 10 ngöne la götrane 157, nge e jë ngöne kö lai itus. Ithahnataane jë la itre mekune qa hnine la itre götrane 156-7, matre qeje pengöne la elolone la mel e patre hë elanyi la ngazo qa celë fene hnengödrai.
3 Loi e tro palahi së a hnëkë hnyawa troa hamëne La Tour de Garde me Réveillez-vous! ngöne la nöjei götran, alanyimu la itre atr ka seseu pine laka kola kökötre la kuci ngazo. Ngöne la epuni a e lo Réveillez-vous! ne 8 Ogas, ke, iëne jë la itre xaa mekune ka ijije kowe la götrane ne cainöje i epun. Tha loi kö tro së a ithahnatane aqeane ju pë la aqane mele e celë fen, ngo loi pe tro së a amamane la taane hna cyinyihane kola hape “Le guide moral parfait” me ithahnatane hnyawane la itre manathithi hne së hna troa kapa e hne së hna xötrethenge la wesi ula i Akötresie. E pune treu, ngöne la epuni a troa hamëne la Réveillez-vous! ne 8 Ogas, ke, amamane ju lo hna cinyihane ka hape “Les races vivront-elles un jour dans l’unité?” Tusi Hmitrötre hmekuje hi la ka atreine troa acaasine la nöjei pengön’atr e celë fen, matre mele tingetinge angatr. Loi e tro palahi së a tro fë trongëne la itre La Tour de Garde me Révéillez-vous! itre hna xötrei kapa, me itre hnapan, ngöne la nöjei drai memine kö lo lai itre ijine hna amekötiin.
4 Mekune hnyawa kö së laka, ame la hne së hna huliwa kow, ke, ene la troa amejëne la aja ne la itre atr kowe la ithuemacanyi ne la Baselaia. Ngöne la ihë së, nge matre troa hane hnangenyën, ke, nyipi ewekë tro së a pane thele la aqane troa kuca matre drei së hnene lai atr, me sajuëne ju fe hë la mekune i angeic. Nge tro hë la itre atr hna aceitunëne me mamoe a hane ajane troa “drenge la hna troa ulatine hnei Iehova Akötresie”, ene lo hnei Nyidrëti hna thingehnaeane kowe la fene hnengödrai. — Sal. 85:8.