Tro Fë Jë La Itus Bonheur Familial Kowe La Nöjei Atr Asë, Itre Ka Tru Me Itre Ka Co
1 Kola madrine hnene la ketre nekönatre trahmanyi ne Californie, ka 11 lao macatre, la itus, Le secret du bonheur familial. Hnei nyëne hna cinyihane ka hape: “Eni a olene atraqatre la itusi celë, nge eni fe a ithuecatre kowe la itre xaa hnepe lapa troa hane e, pine laka, ka sisitria catre ej. Eje a . . . xatuane la hnepe lapa i eni troa mele tingetinge me madrin.” Kola xatua së hnene la nekönatre celë troa tro fë la itus, Bonheur familial, kowe la nöjei atr asë, itre ka co me itre ka tru. Hanawange cahu itre hnepe mekune nyine ixatua koi së, matre tro sa cainöje ngöne la treu febuare.
2 Maine easë a ithahnata kowe la ketre thöth, qaja jë ka hape:
◼ “Ala nyimu la itre nekö trahmanyi me jajinyi ka tui epun, ka meku faipoipo. Matre troa thele eka la ithuemacanyi ka sisitria koi epun? [Nue pi troa sa.] Ame ngöne la itre xaa ijine ke, thaa nyipi mama kö koi angatre laka ijiji angatre fe hë troa hane xome la faipoipo. Eni a pane ajane troa ce thawa me epuni la aqane ithahnatane la mekune cili hnene la sine itusi celë.” Fe jë kowe la itus, Bonheur familial, ngöne la götrane 14, nge e jë la paragarafe 3. Thupene lai, amamane asë jë la itre taan ka co ne lai mekene la itus. Hamëne ju la itus, nge isa pui ju matre troa iwai hmaca.
3 Maine kola ithahnata memine la ketre e nyidro lue trefën, qaja ju ka hape:
◼ “Eahuni a ajane troa pane ce thawa memine la itre keme me thine la itre eamo ka lolo nyine troa xatua epuni matre troa inine hnyawa la itre nekönatr. Itre eje asë hë la, hna cinyihane hnine la sine itusi celë hna hape, Le secret du bonheur familial.” Fe jë kowe la götrane 55. E jë la paragarafe 10, me sisedrëne hnene la Deuteronomi 6:6, 7, ngöne paragarafe 11. Thupene lai, amamane hnyawa ju la itre xötrehnëewekë hna cinyihane amekölene ngöne la itre paragarafe 12 koi 16. Nge qaja jë ka hape: “Nyimutre la itre keme me thine ka kepe thangane ka loi, qa ngöne la itusi celë. Maine epuni a ajane troa hane e ej, eni a madrine troa hane hamëne koi epuni la ketre itusi ka tune la, koi 150 F la thupen.”
4 Maine kola ithahnata kowe la ketre qatr, qaja jë ka hape:
◼ “Eni a sipone matre tro nyipëti (nyipoti) a hane qaja la mekune i nyipë thupene la hnenge hna e la mekune celë ka xoxopatr.” Xome jë la itus, Bonheur familial, fe jë ngöne la götrane 169, nge e jë la lue pane xötrehnëewekë ne la paragarafe 17. Thupene lai, xome jë la hnyinge thenge la itre mekune cili. Qanyi së pë hë wange thenge la aqane sa hnene lai atr, maine jë troa hane e fe la itre xaa hnepe mekune qa hnine la itus, qëmekene troa hamëne ej.
5 Loi e tro pala hi së a mekune ngöne la easë a wange hmaca la itre atr hne së hna hamë itusi Bonheur familial kow, laka, troa nyiqaane etid koi angatr. Atreine hi troa nyiqaane etid ngöne la boroshüre Thele, Ini 8 maine ngöne la itus, Atrehmekune, mekene 15. Haawe, catre pi së troa xatuane pala hi la itre atr asë, itre ka tru me itre ka co, matre troa hetrenyi la manathithi e hnine la itre hnepe lapa.