Hapeu Easë Hmekuje Hi a Goëne La Ka Mama Koi Lue Mek?
1 Easë a luelue e itre xaa ijine troa cainöjëne la maca ka loi kowe la itre atr, pine laka, hne së hna canga goeëne ju hi la ewekë hne së hna pane öhne thei angatr. Hanawange la ketre ceitun; nemene la aqane tro sa ujë, maine hna goeëne amenyi së pala hi hnene la ketre trahmanyi ka lapa ezine la ketre atr hne së wange hmaca pine laka ka ajane troa drenge la nyipici? Hna traqa tune lai kowe la ketre trejine föe ka pionie, matre hnei nyidroti hna tro kowe la trahmany, me ithahnata koi nyidrë. Ngacama thaa loi kö la aqane kepe nyidro, ngo ame pe, kola sesëkötre hnene la trejine föe, pine laka, hnei nyidrëti hna drenge la maca qa hnine la Tusi Hmitrötr, nge hetre madrine i nyidrë troa etid. Pine laka, thaa hnene kö la trejine föe hna canga goeëne ju hi la ewekë ka mama koi lue mek, haawe, ase hë fe gojenyine la trahmanyi cili me föe i nyidrë, troa hane atrepengöne la nyipici.
2 Hna qouene hnene la ketre trejine föe ka huliwa ngöne la ketre setroa, la aqane ujë ne la ketre thöthi trahmanyi ka qea ihnaihe; ngo thaa hnei nyidroti kö hna cipane troa hamëne pala hi la itre xaa hnepe mekune göi paradraiso, ngöne la nöjei angeice a traqa troa itö. Thaa gufa kö la hna huliwa hnei nyidro, pine laka, itre thangane ka loi a hna kapa, nge enehila, ase fe hë bapataisone lai nekö trahmany. Nemene la ewekë ka troa sewe së troa canga mekune ju hi ka hape, thaa tro kö a drei së hnene la ketre atr?
3 Loi e Tro Sa Xome La Tulu i Iesu: Atre hë Iesu laka, tro nyidrëti a nue la mele i nyidrëti kowe la nöjei atr, celë hi matre thaa hnei nyidrëti kö hna nue la itre pengöi atr hna öhne hnei lue mek, troa sewe nyidrëti ngöne la mekuana i nyidrë. Hnei nyidrëti fe hna atrehmekune laka, atreine hi troa hane saze la itre atr ka ngazo thiina, e hna hamëne koi angatre la ixatua ka ijij, nge ka hetre nyipi alien. (Mat. 9:9-13) Thaa hnei nyidrëti hmekuje kö hna xatuane la itre trenamo, ngo itre puafala fe. (Mat. 11:5; Mareko 10:17-22) Loi e thaa tro pi kö së a waiemekötine la itre atr ngöne la hna cainöj, thenge la hne së hna öhne hnei lue mek, wanga mekuhnine menune jë së, ngo hni ka menyike pe. (Mat. 7:1; Ioane 7:24) Nemene la ewekë ka troa xatua së troa xötre thenge la tulu ka sisitria i Iesu?
4 Jëne la atrehmekune hne së hna kapa qa hnine la Tusi Hmitrötr, easë a atre me madrine laka, hetre mene ne la Wesi Ula i Akötresie troa saze la aqane mekun, me aqane ujë, me thiina ne la atr. (Efe. 4:22-24; Heb. 4:12) Qa ngöne lai, loi e tro pala hi së a wangaloine la itre atr hne së hna cainöje kow, me nue angatre koi Iehova, ke Nyidrëti la ka goeëne la sipu aliene la hni ne la atr.—1 Sam. 16:7; Ite Huliwa 10:34, 35.
5 Catre pi së troa cainöje kowe la nöjei pengöne atr asë, thaa tro pi kö së a iwangatrehmekunyi atr, me canga goeëne la itre ewekë ka ngazo thei angatr, a hna öhne hnei lue mek; maine tro sa huliwa tune lai, eje hi laka, ketre ixatua ka tru lai ngöne la huliwa ne menue ngöne la itre drai tixenuë celë.—1 Tim. 2:3, 4.