“Itre Föe Ka Catre Huliwa i Joxu”
1 Hnei Paulo hna qeje pengöi Trufaina me Trufosa tune la lue söre ka catre huliwa i Joxu hnine la ekalesia i Roma. Peresi la ketre, hna qeje nyidro ka hape: “Ate huliwa atrunyi koi Joxu.” Hna qaja aloinyi Fibi fe, ke “ala nyimu la hnei nyido hna xatuan.” (Rom. 16:2, 12) Hna qeje Doreka fe hnine la Tusi Hmitrötr, laka “tiqa nyido hnene la nöjei huliwa ka loi me ihnimi hnei nyidoti hna kuca.” (Ite Huliwa 9:36) Drei la manathithi hna kapa hnene la ekalesia, jëne la itre föe ka macaje ngöne la ua!
2 Hapeu, madrine kö së la huliwa ne la itre söre hnine la ekalesia së? Angatre la ka kuca la götrane ka tru ne la huliwa ne cainöj, ka xomiujine la itre etid ka nyimutre, nge ka xatuane la itre ka xötrei kapa la nyipici. Tru la traeme hna xome troa xatuane la itre nekönatre troa kökötre ngöne la ua. Angatre fe a hane acatrene la ihnim, me madrin, me tingeting, me ajane troa huliwa hnine la ekalesia. Kola ce huliwa fe memine la itre atrene la hnepe lapa, matre ijije kowe la itre föi angatre me itre nekönatre troa hane atrune la hnei angatre hna kuca ngöne la huliwa i Iehova.
3 Itre Söre Ngöne La Huliwa Ka Pexeje i Iehova: Thene la itre mesinare ka catre huliwa i Joxu, ke, nyimutre la itre sör; hnei angatre hna hane akökötrene la huliwa ne cainöje ngöne la itre xaa nöj. Ngöne la itre ekalesia hna wange trongëne hnene la itre trejin, ke, itre föe i angatre a catre cainöj, me xatuane la itre söre ka nyimutre. Thaa tro kö a wangacone fe la itre söre ka huliwa ngöne la itre bethela, ka catre ixatua ngöne la organizasio i Iehova. Itre söre së ka pionie lapa, angatre a catre atrunyi Akötresie, me xatuane la itre atr, itre thauzane la etrun, troa atre la nyipici.
4 Tru la madrine hna kapa hnene la itre söre celë, ngöne la angatre a hujëne la mele i angatr. (1 Tim. 6:6, 8) Loi e tro së a wangatrunyi angatr, me ithuecatr, me sajuë angatr.
5 Sisitria catr la hulliwa hna kuca hnene la itre föe keresiano, ke, jëne la aqane huliwa nyipici angatr, ke, ketre manathithi kowe la nöjei atrene la nöje i Iehova. Epi tro së a madrine pala hi la huliwa hna kuca hnei angatr, me thithi koi Iehova matre tro Nyidrë a amanathithi angatre troa “catr huliwa i Joxu.”