Itre Nyine Amekunën Göi Drai Ne Amekunën

Ame ngöne la macatre celë, troa atrun la Drai ne Amekunën ngöne la Drai Ka Co 28 Maac. Loi e troa wange hnyawa hnene la itre qatre thup, la itre mekune celë:

◼ Nyipi ewekë troa sa hnyawa la traem ne icasikeu, matre ijij troa tro fë la areto memin la waina, e lö hnyawa ha la jö.

◼ Loi e troa canga thuemacan la itre atr asë, memine fe la itre trejin ka troa cile fë la cainöj, la hawa me hnë troa icasikeu.

◼ Loi e troa canga hnëkën me kuca la areto ka ijij, memin la waina.—Goeëne ju la zonal, La Tour de Garde ne 15 Febuare 1985, götrane 17.

◼ Troa traqa fë kowe la Uma Ne Baselaia, la laulau me ihakune ej, me itre peleitr, me itre ver, nge troa canga hnëkën la hnë troa amë itre ej.

◼ Tro fe a nyidrawan la Uma Ne Baselaia maine ketre hnë icasikeu pena thatraqan la ijine cili.

◼ Loi e troa canga iën la itre ka troa xeen la itre loto, memine la itre ka troa tro fë areto me waina, me thuemacanyi angatr la isa aqan tro angatr a kuca la itre hnëqa hna athip koi angatr, memine fe la troa wange hnyawa la aqane heetr, me iseji angatr, laka troa metrötrën la ijine cili.

◼ Loi e troa kuca fe la itre hna amekötin thatraqan la itre trejin hna iën, laka sine atr, nge ka thatreine kö troa hane traqa kowe la hnë troa atrun la Drai Ne Amekunën.

◼ Maine nyimutre lao ekalesia ka troa atrun la drai cili ngöne la Uma Ne Baselaia ka caas, ke, loi e troa iatren hnyawa hnene la itre ekalesia, matre thaa tro kö a tru menu hnei atr ka cile pe ngöne la couloir, me ngöne la hnë lö kowe la Uma Ne Baselaia, me ngöne la itre hnë tro, me ngöne la hnë ami loto.