Troa Qeje Nemen Gön La Itre Zonal

La Tour de Garde 15 Ogas

“Alanyimu la itre atr ka nyipiewekën me ajan troa hlemu loi la ëje i angatr. Ame itre xan tre, angatr a thele la aqane troa meku angatre hmaca, elanyi e meci pi angatr. Hane kö epuni mekune la ewekë cili? [Nue pi troa sa. Thupene lai e jë la Ate Cainöj 7:1.] Kola ithanatan hnene la zonal La Tour de Garde la aqane troa qaja aloinyi së, matre hlemu loi la ëje së kowe la itre atr me koi Akötresie.”

Réveillez-vous! 22 Ogas

“Maine kola cile hnei epun maine ketre atrene pena la fami kowe la iakötrë, eje hi laka thaa ketre ewekë ka hmaloi kö lai. [Nue pi troa sa.] Hane la ketre zonal Réveillez-vous ! ka qatreng la itre xaa mekune ka lolo nyine troa xatuan la itre hna akötrën. Eje mina fe a ithanatan la hna thingehnaean hnei Akötresie, göne la ketre ijine troa paatre palua la itre ejolene la mele celë tune la iakötrë.” E jë la Mika 4:4.

La Tour de Garde 1 Sem.

“Nyimutre la itre atr ka mekune ka hape, ame la itre pengöne hmi e celë fen, tre celë hi lo itre hmene gojenyi lai ka isa pengön ngo caasi hi la hna tro kow. Kola mekune hnei itre xan ka hape, caasi hi la nyipi hmi. Hane kö nyipunieti ketre sipu hnyinge tune lai? [Nue pi troa sa.] Kola ithanatan hnene la zonale celë la ketre ceitun hna hamën ekö matre atreine troa sa la hnyinge celë.” Amamane hnyawa jë la Mataio 13:24-30.

Réveillez-vous! 8 Sem.

“Catrehnine la aqane hule la itre atr enehila hnene la itre mood. Itre xan a mekune ka hape, kola wangatrune catrën la atr qa ngöne la aqane heetr, memine la aqane nyihnyawan la ngönetrei. Tune kaa la mekuna i epun? [Nue pi troa sa.] Kola amaman hnene la zonal Réveillez-vous ! la aqane troa inamacan ngöne la aqane troa goeën la itre mood enehila.” E jë la Kolose 3:12.