Kola Sa La Itre Hnyinge i Nyipunie
◼ Ame koi itre sipu zonale së La Tour de Garde me Réveillez-vous ! troa kapa tune kaa itre ej?
Maine ase hë amekötin laka thaa tro hmaca kö a abone ngöne la itre qene hlapa la itre kaset me ngöne itre zonal La Tour de Garde me Réveillez-vous ! ngo loi e troa kapa hnene la itretre cainöj asë la itre zonale i angatr, me itre kaset nyine dreng, me CD MP3, jëne la ekalesia i angatr. Ngo thaa kolo fe kö lo itre zonal me itre kaset nyine drenge hna hnëkëne thatraqane la itre ka ti mek; kolo kö a isa iupi fë mekötine koi angatr itre ka ijij troa kapa itre ej. Loi e tro la itre ekalesia a sipon la itre zonal hna fejan jëne kaset nyine dreng maine CD MP3 ngöne lo pepa ne komaad (M-202). Troa xome mina fe lai pepa cili göne la itre itus ka qaja la itre xaa qene hlapa, me itre itus ka tru mataitus, matre troa komaadën itre ej.
Maine kola sipone hnene la ketre atr ngöne la teritoare i epun troa kapa lapaan la itre zonal, haawe loi e tro fë pala hi la itre zonale i angeic, thaa tro pi kö a trian la caas. Ijije hi tro la itre atr hna upetrij qa hnine la ekalesia a hane xome la itre zonal maine itre xaa itus thatraqai angatre kö, ngöne la hna hamë zonal me itus hnine la Uma Ne Baselaia. Thaa tro kö la itre trejin a tro fë zonale lapaa kowe la itre atr hna upetrij qa hnine la ekalesia.
Ame hmekuje hi la itre ka ijij troa abone hnene la filial ne Etazini, tre ene lo itre atr laka, thatreine kö troa kapa lapaan la itre zonal jëne la ekalesia. Maine kola sipon hnene Kometr Ne La Huliwa Ne Cainöj Ne La Ekalesia troa abone la ketre atr, pine laka jole e troa tro fë koi angeic la itre zonal, haawe, loi e troa cinyihan hnene la seketere la ketre hnepe ithuemacany nyine troa amamane hnyawa ka hape, hna ce goeën me kapa lai sipo hnene la Kometr Ne Huliwa Ne Cainöj Ne La Ekalesia.
Matre kolo lai a hape, thaa tro kö a cinyanyi koi sasaiatri matre troa isa abone. Hetrenyi la itre ka sipo troa abone, maine itre trejin maine itre atr ka ajan pena, hna abëekëne hmaca la itre sipo i angatr kowe la ekalesia.
◼ Tune kaa la aqane troa ketre kapa hnene la ketre atr hna akalabusin, la itre zonal?
Maine hna nue la ketre ekalesia troa cainöj kowe la itre atr hna akalabusin, nge ijije fe troa hane hamë zonale koi angatr, haawe, loi e atreine hi troa kapa hnene lai itre hna akalabusin la itre zonal La Tour de Garde me Réveillez-vous ! jëne la itre trejin ka tro troa iwai. Maine thaa ijije kö, ijije hi tro la atr hna akalabusin a sipon me cinyanyi kowe la filial matre troa abone angeic. Ketre tune mina fe lo itre hna upetrij hna akalabusin, laka ijije hi tro angatr a kapa la itre sipu zonale i angatr, thenge la itre mekune hna hamën ngöne la paragarafe celë.