Ketre Maca Ka Lolo Jëne La Ketre Video
Nemene la mekune ka tru hna hamën jëne la video hna hape, David : il mettait sa confiance en Dieu ? Ame la mekune ka tru, tre ene laka nyipi ewekë tro fe së a hane mejiune koi Iehova. (Sal. 91:2) Ame la itre ewekë ka tru ka traqa ngöne la mele i Davita hne së hna troa goeën jëne la video, tre, kola troa xatuane la itre nekönatr memine la itre ka tru troa xomi ini qa ngöne la tulu hna amë pe hnei Davita. (Sal. 31:14) Hna amë mina fe hnine la DVD cili la ketre nyine tupath hna hape “ Quiz ” me itre ini hna hape “ Activités éducatives ” matre hetrenyi la itre xaa nyine tro sa kepe thangane ka loi.
Goeëne jë la video, nge thupene lai isa hnyinge jë ka hape: (1) Nemene kepin matre iëne jë Iehova la ketre joxu ka sisitria? (1 Sam. 15:10, 11; 16:1) (2) Pine nemen matre thaa iëne kö Nyidrëti la ketre trejine me Davita? (1 Sam. 16:6, 7) (3) Pine nemen matre ajai Saulo tro Davita a elo kitara? (1 Sam. 16:14-23) (4) Drei lae Goliatha? (1 Sam. 17:4-10) (5) Pine nemen matre kola ajan hnei Davita troa isi me Goliatha? (1 Sam. 17:23, 24, 36, 37) (6) Drei lae Ionathana? (1 Sam. 14:1) (7) Nemene la hna kuca hnei Saulo ka amamane laka ketre ithupëjia i Davita angeice ka ngazo catr? (1 Sam. 18:25-29) (8) Pine nemen matre thaa hnei Davita kö hna humuthi Saulo? (1 Sam. 26:7-11) (9) Tune kaa la aqane meci Saulo? (1 Sam. 31:1-6) (10) Nemene la aqane ujë i Davita ngöne la kola meci hnei Ionathana? (2 Sam. 1:11, 12) (11) Nemene la hna thingehnaean hnei Iehova koi Davita? (2 Sam. 7:12, 13, 16) (12) Nemene la ngazo ka tru hna kuca hnei Davita? (2 Sam. 11:1-5, 14-17) (13) Tune kaa la aqane amamane Davita ka hape angeic a ietrane hnyawa la hnei angeic hna kuca? (Sal. 51) (14) Nemene la itre ini hnei Davita hna ce thawa me Solomona? (1 Ite jo. 2:1-4; 1 Aqane l. ite jo. 22:6-13; 28:9, 10) (15) Nemene la aqane tro la musi Iesu a amanathithi Davita me Ionathana, me nyipunieti fe?—Is. 11:6-9; Ioane 11:25, 26.
Enehila, pane mekune jë së: Tune kaa la aqane tro nyipunie isa ala caas a hane xötrethenge la aqane mejiune i Davita koi Akötresie?
Itre keme me thin, catre pi nyipunieti amë hutin thene la itre neköi epun, la enyipiewekën la troa mejiune koi Akötresie, tui Davita.—Sal. 56:11.