Troa Qeje Nemen Gön La Itre Zonal

La Tour de Garde 15 Julai

“Tro kö a eje elanyi laka tro la ketre musi a nyinyin la itre jol ne la itre atr? [Nue pi troa sa.] Hnei Iesu hna inine la itretre drei nyidrë troa thithi thatraqane la ketre baselaia; drei la itre trenge ewekë i nyidrë ngöne Mataio 6:​9, 10. [E jë.] Kola qejepengöne hnene la zonale celë la kepine matre ka sisitria catre kö la Baselaia i Akötresie hune la itre musi ne la itre atr; nge qaja jë la itre manathith hnene ej hna troa hamën kowe la itre atr.”

Réveillez-vous! Julai

Ame ngöne la easa iöhnyi memine la ketre thöth, qaja jë ka hape: “Nyimutre la itre ka ce macatre me epun ka meku faipoipo. Troa öhne ekaa la itre ithuemacanyi ka lolo thatraqane lai? [Nue pi tro sa.] Hanawange la atre acile la faipoipo. [E jë la Mataio 19⁠:⁠6.] Kola amamane hnene la zonale celë la itre xaa trepene meköti ne la Tusi Hmitrötr, nyine troa xatua epuni troa eköth la ketre faipoipo ka madrin.”

La Tour de Garde 1 Ogas

“Thaa sihngödri kö enehila koi së la iakötrë thene la itre atr. Tune kaa, tro kö a saze la ewekë cili e hna trongëne hnene la itre atr la itre trenge ewekë i Iesu celë? [E jë la Mataio 7:​12. Nge nue pi troa sa.] Kola amamane hnene la zonale celë la hna qaja hnei Tusi Hmitrötr ngöne la aqane troa eatr elanyi la meköt ka eje thene la atr.”

Réveillez-vous! Ogas

“Easë asë hi a thupëne matre thaa tro kö a tithi së hnei mec. Hapeu, atre fe hi nyipunieti laka nyimutre la itre droketre enehila ka cile hnö troa hamë madra? [Nue pi troa sa.] Kola qejepengöne hnene la zonale celë la kepine lai. Eje fe a qejepengöne jëne la Tusi Hmitrötr la kepine la Akötresie a nyipiewekën la madra.” E jë la Levitiko 17⁠:11.