Troa Qeje Nemen Gön La Itre Zonal

La Tour de Garde 15 Sem.

Qaja jë la ketre ewekë ka traqa ngöne la nöj. Thupene lai, hnyinge jë ka hape: “Tune kaa la mekuna i epun, kolo kö a qejepengöne hnene la xötr ne la Tusi Hmitrötr la hneijin hne së hna melën enehila? [E jë la 2 Timoteo 3:1, nge nue pi troa sa.] Kola amamane hnyawa hnene la hna cinyihane celë la itre hatren, laka, easa mele ngöne la itre drai tixenuë nge kola ithanatane fe la nyine tro sa kuca.”

Réveillez-vous! Sem.

“Nyimutre la itre atr ka mekune ka hape hna xupi së. Ame itre xan, öni angatr ka hape ka xulu xane angatr. Tune kaa fe la mekune i epun? [Nue pi troa sa.] Drei la ketre mekune ka troa xatua së troa atre la nyipici. [E jë la Iobu 12:7, 8.] Kola ithanatane hnene la zonale celë Réveillez-vous ! la inamacan ngöne la itre ewekë hna xup memine la aliene itre ej.”

La Tour de Garde 1 Oko.

“Hnene la itre atr ka inine la itre feja me itre öni, hna thele troa apaatren la itre mec me aqean la ijine mele ne la atr. Tune kaa la mekuna i epun, ijije kö tro sa mele epine palua? [Nue pi troa sa.] Hanawang la kepin matre thaa aja së kö troa mec. [E jë la Ate Cainöj 3:11.] Kola qejepengöne hnene la zonale celë la kepine matre hna xupi së hnei Akötresie, cememine la ajane troa mele epine palua.”

Réveillez-vous! Oko.

“Ajane asë hi la itre atr ka ala nyim troa goeë televizio. Ngo tune kaa la mekuna i epun, tro kö sa hane iëne la hne së hna goeën? [Nue pi troa sa. Thupene lai e jë Ite Edomë 13:20.] Kola ithanatane hnene la zonale celë la thangane la televizio ngöne la mele së, nge kola hamëne la itre mekune nyine ixatua ngöne la aqane troa thupëne la itre hne së hna goeën.”