Troa Qeje Nemen Gön La Itre Zonal

La Tour de Garde 15 Nof.

“Pine laka tru catre pala ha la ngazo ngöne la fen, ene pe kola hnyinge la itre xaa atr ka hape, ‘Pine nemen matre eni a troa catre isi matre troa kuca la ewekë ka loi?’ Hane kö epuni mekune tune la? [Nue pi troa sa.] Hanawange la itre ithuecatre koi së. [E jë la Ite Edomë 2:21, 22.] Kola qejepengöne hnene la zonale celë la kepine ka nyipi ewekë matre troa thiina ka meköt.”

Réveillez-vous! Nof.

“Ame itre xan, tre, angatr a mekune ka hape, Akötresie la atrekë zön la itre ewekë ka traqa enehila. Ame la kola traqa la ketre hulö, öni angatre jë hi ka hape, hetre nyipi kepine matre Akötresie a axulune la ewekë cili. Nemene la hnei epuni hna mekun? [Nue pi troa sa. Thupene lai e jë la Iakobo 1:13.] Kola amamane hnene la zonale celë la hna qaja hnei Tusi Hmitrötr göne la kepine matre kola akötre la atr, memine fe la hnei Akötresieti hna kuca matre troa apaatrene la akötre cili.”

La Tour de Garde 1 Dis.

“Tune kaa la mekuna i epun, eatre kö la hna perofetane celë hnei Tusi Hmitrötre enehila? [E jë la Mataio 24:11. Thupene lai nue pi troa sa.] Kola ithanatane hnene la zonale celë la itre xaa ini ka hlemu hë enehila. Kolo mina fe a amamane la aqane tro sa neën troa amenu së hnene la itretre hamë ini ka thoi.”

Réveillez-vous! Dis.

“Drei la atre ka tru ne la fen hnei epuni hna iën? [Nue pi troa sa.] Nyimutre la itre atr ka xomi Iesu ceitune me atr ka tru ne la fen asë. Qa ngöne laka nyidrëti la Atre Musi Hune La Baselaia i Akötresie, haawe, hane hi la hnei nyidrëti hna troa kuca kowe la ihnadro. [Amamane jë la iatr götrane 8-9, nge e jë la caas ngöne cahu itre xötr hna hamën.] Kola ithanatane hnene la zonal la aqane tro Iesu a aeatrëne lai, memine la ijine cili.”