Troa Qeje Nemen Gön La Itre Zonal

La Tour de Garde 15 Jan.

“Tune kaa la mekuna i epun, ekaa la hnene la itre trefën hna troa thele eamo ka lolo? [Nue pi troa sa.] Drei la qaan la faipoipo. [E jë la Genese 2:​22.] Hnei Akötresieti fe hna hamëne la itre ini ngöne la hnëqa ka tru ne la trahmanyi memine la föe. Kola qeje pengöne lai hnene la zonale celë.”

Réveillez-vous! Jan.

“Hane kö epuni wanga atrehmekune laka, nyimutre la itre atr ka uune ka hape itre Keresiano angatr, ngo thaa xötrethenge pe la itre ini qaathei Iesu? [Nue pi troa sa.] Hanawang la ketre ceitun, nyimutre la itre atr ka thaa xötrethenge kö la itre trenge ewekë i Iesu celë. [E jë la Ioane 13⁠:35.] Kola amamane hnene la hna cinyihane celë la eisapengönene la ini hna hamëne hnei Iesu memine la aqane mekunene la itre atr ka nyimutre ka uune ka hape, itre Keresiano angatr.” Amamane hnyawa jë la hna cinyihan ka nyiqaane ngöne la götrane 18.

La Tour de Garde 1 Feb.

“Hapeu, tro kö a ketre caa lapa ka sisitria la lapa së e hne së isa ala caas hna mele thenge la itre trenge ewekë celë? [E jë la Efeso 4:​25. Thupene lai nue pi troa sa.] Nyimutre la itre atr ka mekune ka hape, ka loi troa thoi ngöne la itre xaa ijin. Kola qaja hnene la zonale celë la itre manathith e hne së hna qaja pala hi la nyipici.”

Réveillez-vous! Feb.

“Kola saze ngöne la itre xaa nöj la aqane ujë ne la itre atr kowe la hmi. Tune kaa la mekuna i epun, pëhë ecatrene la hmi thene la itre atren? [Nue pi troa sa.] Kola hamën hnene la itre trenge ewekë i Paulo aposetolo la ketre kepin matre pëhë mejiunene la itre xan kowe la hmi. [E jë la Ite Huliwa 20⁠:​29, 30.] Kola amamane hnene zonale celë la hna qaja hnei Tusi Hmitrötr göne la pengöne elanyi la itre hmi ka uune ka hape, itre Keresiano angatr.”