“ Que répondriez-vous ? ”
1. Nemene la itre jol hna qëmeke kow hne së itre atr ka ala nyim?
1 Maine nyipici laka epuni a hnine la Wesi Ula i Akötresie, ngo hapeu, nango jole kö koi epuni troa mekune hmaca la itre hnepe ithuemacanyi qa ngöne la itre hna edromëne hnei Tusi Hmitrötr, maine thëthëhmine pena epuni la itre xötr ne la Tusi Hmitrötr hna hnen la itre xaa trenge ewekë? Aja i epuni kö tro la itre nekö i epuni a hetrenyi la inamacane göne la itre ewekë ka traqa, me trotrohnine hnyawa la itre trepene ini qa hnine la Tusi Hmitrötr? Hna amamane la hna cinyihane celë hna hape, “ Que répondriez-vous ? ” ngöne la nöjei treu, jëne la zonal Réveillez-vous ! götrane 31; ej a xatuane la itre thöth me itre ka tru troa atrepengöne hnyawa la Wesi Ula i Akötresie.—Ite hu. 17:11.
2. Tune kaa la aqane troa xome la itre götrane ne la hna cinyihane hna hape, “ Que répondriez-vous ? ”
2 Nemene la aqane tro epuni a huliwane hnyawane la götrane celë? Kola hamëne hnene la zonal Réveillez-vous ! ne Januare 2006, la itre mekune nyine ixatua, hna hape: “Pane göeëne ju la götrane 31 . . . Ame itre xaa götran, tre, troa amadrinën la itre thöth; ame koi itre xan ka inine hë la Tusi Hmitrötr, tre, angatr a troa mekune hmaca lo itre hna inin. Ame la götran hna hape, ‘ Situez dans le temps ’ tre kola xatua së troa amë la ijine mel la itre atr ngöne la hneijine i Tusi Hmitrötr memine la itre ewekë ka tru ka traqa ngöne la itre ijine cili. Kola sa la itre hnyinge cili ngöne la götrane hna amamane koi së; hna fejane ujëne itre ej. Nge maine kola troa thele la itre mekune ka sa la itre hnying ngöne la götran hna hape ‘ Dans ce numéro ’ eje hi lai laka, troa mama asë la itre mekune cili hnine lai zonal ngöne la ketre götrane hna troa cinyihane ngön la itre mekun hna fejane qanagalan. Tune kaa matre pane ithel hnei nyipunie qëmekene troa e la itre mekune ka sa lai itre hnying, me hane qaja kowe la itre xan la hnei epuni hna inin? Kolo mina fe a troa nyitrepen hnene la hna cinyihane celë ‘ Que répondriez-vous ? ’ la itre porotrike ne la itre fami maine ngöne pena la kola caasi memine la itre xan.”
3. Hna kepe thangane tune kaa hnene la itre xaa fami la hna cinyihane celë, nge nemene la itre götrane hnei epuni hna pi ajan troa goeën?
3 Eje hi laka, nyimutre la itre fami ka xome la hna cinyihane cili nyine troa etidi ne la hnepe lapa. Kola cinyihane hnene la ketre thin, ka hape: “Eni a mekune memine la föi eni laka, ka lolo catr troa hane ce ithanatane memine la nekö i nyiho jajinyi ka köni macatre la götran hna hape, ‘ Aux enfants de chercher ! ’ ngöne la ini tusi ne la fami. Atraqatre la madrine i nyiho troa goeë angeic e xome la sipu Réveillez-vous ! i angeic, me fe la itre götrane la zonal me öhne la hnei angeic hna thel.” Kola qaja hnene la ketre keme ne Berezil, ka hape: “Aja i nyiho catre la zonal Réveillez-vous !, eni memine la nekönge trahmanyi ka sevene lao macatre. Celë hi ka xatua Mose lai troa drenge hnyawa me thele la itre xötr, me trotrohnine hnyawa la aliene la itre iatr, me trotrohnine fe la itre ijin.” Kola cinyihane hnei Ashley, eitr lao macatre nyën, ka hape: “Oleti la hna cinyihane ka hape ‘ Que répondriez-vous ? ’ ngöne la pune la zonal Réveillez-vous ! Tru catr la hnenge hna inin ngöne la Tusi Hmitrötr jëne la hna cinyihane cili.”
4. Tune kaa la aqane troa xome hnene la ketre fami la hna cinyihane celë matre nyine troa ixatua ngöne la ijine kola ini tusi hnene la fami?
4 Tune kaa matre lapa hane xome fe hnei nyipunie la hna cinyihan hna hape, “ Que répondriez-vous ? ” matre troa ce wang memine la fami ngöne lo ijine etid? Ijije fe tro epuni a xome la Index maine Bibliothèque hna amë ngöne CD-ROM matre troa thele la itre mekune ka sa la itre xaa hnyinge ka nango jole troa sa. Maine tro sa kuca tune lai, haawe, tro hë nyipunie a inine hnyawa la itre nekö i nyipunie la aqane troa thele la itre mekun. Maine hetrenyi epuni la itre nekönatr ka nango tru hë, tune kaa matre upi angatr troa kuca la itre elo ka nango jol, tune la troa thele la itre mekune ka sa la itre hnying ngöne la itre götrane hna hape, “ Qui suis-je ? ” maine “ Situez dans le temps ” qëmekene la troa etidi ne la fami? Thupene lai, tro angatr a ce thawa la itre mekune hnei angatr hna thele ngöne la ijine etid. Ame la kola xome hnyawa la götrane celë, tre, celë hi ketre aqane tro la itre keme me thine a inine la Wesi Ula i Akötresie kowe la itre nekö i angatr, me xatua angatr troa atre “la ite hna cinyihane ka hmitöt” qaane la angatre a nekönatr.—2 Tim. 3:15; Deu. 6:7.