Akeukawane Jë La Itretre Thë Fë Hni
1 Thaa hna öhne kö la ewekë celë ngöne la ketre hneijin ne mele la atr, ene la enyipiewekëne la troa akeukawane la itre hni së. Maine tro sa xötrethenge la Joxu së, Iesu Keriso, eje hi lai laka, tro fe hë së a hane thele troa “atuthe la itete thë fë hni.”—Is. 61:1.
2 Aqane Troa Iakeukawany: Maine easa ajane troa akeukawane la itre atr, haawe, loi e tro sa atreine tuluth me ithuecatre la aqane tro sa nyiqaane ithanata. Ame ngöne la easa nango ithanatane la itre huliwa ka ngazo ne la fene celë, memine la itre ini ka ngazo, loi e tro pala hi sa qaja atrune la nyipici e hnine la Tusi Hmitrötr memine la ekeukawane la itre hna thingehnaeane göne la mejiune hnei Akötresieti hna hamëne koi së. Thaa kolo kö lai a hape, thaa tro hë së a hane ithanatane la Amagedo. Ame la hnëqa së tre, ene la troa cainöjëne la “macate ne madi Iehova, memine la drai ne nyi thupene hnene la Akötesi shë, memine la drai ne nyi thupene hnene la Akötesi shë,” me troa “kuje la ate ka ngazo qa ngöne la goji angeice ka ngazo.” Ngo thaa kolo kö a troa he la taan ne la maca ka loi ne la Baselaia i Akötesie hnene laka kola hmekë së göi Amagedo, me amamane la etrune la aqane troa apaatrene elanyi la fene ka ngazo i Satana.—Is. 61:2; Ezek. 3:18; Mat. 24:14.
3 Ngöne Itre Hnalapa Trootro: Thaa sesëkötre kö së la easa öhne la itre atr ka kucakuca hnene la itre sine mec, maine hnene laka meci hë la ketre sinee, maine thaa meköti kö la aqane ujë koi angatr, maine kola traqa pena la itre xaa hnepe jole göi manie. Pine laka, easa la itretre xötrethenge la tulu i Keriso, haawe, easa ‘ihnim ipitö’ me thiina ka loi kowe la itre atr hne së hna iöhnyi memin, ngöne la easa cainöje trootro. (Luka 7:13; Rom. 12:15) Ngacama easa e la caas maine lue xötr ka ihmeku memine la ketre jol, ngo loi e tro sa itre atr ka “canga dreng,” me nue la itre atr troa hane fe la itre aliene hni angatr. (Iako. 1:19) Thupene la hne së hna pane drenge la itre atr e ithanata, haawe, tro hë së a atreine hamë angatr la keukawa ka ijij.
4 Ame ngöne la ijine ka ijije ngöne la porotrik, öni së jë hi ka hape, “Eni a pane hane ce thawa me nyipunie la itre xaa trenge ewekë qa hnine la Tusi Hmitrötr, nyine ithuecatre koi nyipunie.” Loi e troa atreine waiewekë matre thaa tro kö a thele troa canga lepe trije la nöjei aqane mekune ka tria hna qaja hnene la itre atr. Ngo tro pe sa thele troa hamëne la itre ithuecatr me akeukawane la hni ne la itre atr, jëne la itre xötr ne la Tusi Hmitrötr göi troa acatrene la itre hni angatr. Maine jë troa xome la itre mekune qa hnine la itus Comment raisonner à partir des Écritures götrane 119-122 fene la hna cinyihane acon, hna hape, “Encouragement” (Ithuecatr). Maine pena, hamëne jë kowe lai atr la ketre tarak hna hape, De l’aide pour les déprimés, nge ce wange jë la itre mekune ka eje e hnine la tarak cili.
5 Thele Jë La Itre Ijine Troa Akeukawane La Itre Xaa Atr: Hapeu, hetrenyi kö la itre atr hnei nyipunieti hna atre ka aja keukawa, thene la itretre easenyi epun, me itre sine huliwa i epun, me itre sine ce ini me epun, maine ketre atrene pena la fami i epun? Tune kaa matre thele troa wange la itre atr ngöne la itre hnalapa i angatr cememine la aja ne troa hane akeukawane la itre hni angatr hnene la itre xötr ne la Tusi Hmitrötr. E atre hë së la kepine matre angatr a aja keukawa, haawe, easa thele troa hnëkë thatraqane la ewekë cili. Celë hi matre itre xan a cinyany, maine telefone pena. Tro la sipu ihnimi së kowe la itretre easenyi së a upi së troa hane meku angatr me hamëne la itre xötr ne la Tusi Hmitrötr nyine troa akeukawane la itre hni angatr.—Luka 10:25-37.
6 Nyipici, hna amekötine koi së troa akeukawane la hni ne la itre atr ka treij, me ithuecatrene la itre ka hleuhleu, me hamë mejiune me madrin kowe la itre drai elany. Celë hi keukawa lai hna ajane hnene la itre atr e cailo fen. Maine tro sa ithanatane cememine la madrine la itre ewekë ka nyimutre hna thingehnaeane hnei Iehova, haawe, tro ha akeukawane la hni ne la itre atr me hamë mejiune kowe la itre atr ka hni ka nyipici. Epi tro pala hi sa mekune hmaca la aqane tro sa akeukawane la hni ne la itete thë fë hni.