Itre Nyine Amekunën Göi Drai Ne Amekunën

Loi e troa wange hnyawa hnene la itre qatre thup la itre mekune celë nyine hnëkëne thatraqane la Drai Ne Amekunën:

◼ Nyipi ewekë troa sa hnyawa la traem ne icasikeu, matre ijij troa tro fë la areto memine la waina, e lö hnyawa ha la jö.

◼ Loi e troa canga ithuemacane la itre atr asë, memine fe la trejine ka troa cile fë la cainöj, la hawa me hnë troa icasikeu.

◼ Loi e troa canga hnëkën me kuca la areto ka ijij, memine la waina.—Goeëne ju la zonal, La Tour de Garde ne 15 Febuare 2003, götrane 14-15.

◼ Troa traqa fë kowe la Uma Ne Baselaia, la laulau, me ihakune ej, me itre peleitr, me itre ver, nge troa canga hnëkëne la hnë troa amë itre ej.

◼ Tro fe a canga nyidrawan la Uma Ne Baselaia maine ketre hnë icasikeu pena thatraqan la ijine cili.

◼ Loi e troa canga iëne la itre ka troa xeen la itre loto, memine la itre ka troa tro fë areto me waina, me thuemacanyi angatre la isa aqane tro angatr a kuca la itre hnëqa hna athip koi angatr, memine fe la troa wange hnyawa la aqane heetr, me iseji angatr, laka troa metrötrëne la ijine cili.

◼ Loi e troa kuca fe la itre hna amekötin thatraqane la itre trejin hna iën, laka sine atr, nge ka thatreine kö troa hane traqa kowe la hnë troa atrune la Drai Ne Amekunën.

◼ Maine nyimutre lao ekalesia ka troa atrune la drai cili ngöne la Uma Ne Baselaia ka caas, tre, loi e troa iatrene hnyawa hnene la itre ekalesia, matre thaa tro kö a tru menu hnei atr ka cile pe ngöne la verada, me ngöne la hnë lö kowe la Uma Ne Baselaia, me ngöne la itre hnë tro, me ngöne la hnë ami loto.