Troa Qeje Nemen Gön La Itre Zonal

La Tour de Garde 1 Juun

“Hapeue la mekuna i epun, kolo kö a kapa la nöjei hmi asë hnei Akötresie? [Nue pi troa sa.] Ka lolo catre troa atre la aqane ujë i Akötresie ngöne la kola kapa hnene la angetre Isaraela ekö, la itre hmi ne la itre nöje xötreithi angatr. [E jë la Ezekiela 6:6.] Ame la hna cinyihane celë, tre, eje a sa la hnying, ‘Hapeu, ka sisitria catre kö la aqane tro sa hmi koi Akötresie?’ ” Amamane hnyawa jë la hna cinyihan ka nyiqaane ngöne la götrane 9.

Réveillez-vous! Juun

“Thaa sihngödri kö koi së laka, ame la itre macatre ne thöth, tre, kolo hi lo itre ijine ka jole catre kowe la itre thöthi, nge ketre ceitune mina fe kowe la itre keme me thine i angatr. Ngo maine tro la itre keme me thine a xötrethenge hnyawa la eamo celë, hapeue la mekuna i epun, tro kö a kökötre thei angatre la atreine troa hiane hnyawa la itre nekö i angatr? [E jë la Iakobo 1:19. Thupene lai, nue pi troa sa.] Nyipici, tro kö epuni a kapa madrine elany la itre mekune nyine ixatua hna nyi trepene hnei Tusi Hmitrötr, nge ka eje e hnine la hna cinyihane celë.”

La Tour de Garde 1 Julai

“Hne së asë hi hna melëne la akötr qa ngöne la kola meci la ketre sinee hne së hna hnim. Ngo ame ngöne la itre ijine cili, hapeu ijiji kö troa xatua së hnene la Tusi Hmitrötr? [Nue pi troa sa. Thupene lai, e jë la Salamo 55:22.] Tro la hna cinyihane celë a wanga atrune la itre xaa mekune ka hetre thangan hna ithanatane ngöne la Tusi Hmitrötr, nge ka troa xatua së troa cile kowe lai.”

Réveillez-vous! Julai

“Ame la itre ka faipoipo hë, tre, angatre pala hi a qëmeke kowe la itre itupath, celë hi matre nyimutre la itre ka sei hna cil. Ngo maine tro angatr a xötrethenge la eamo celë, hapeue la mekuna i epun, tro kö angatr a hetre pune ka loi ngöne la faipoipo? [E jë la Ite Edomë 12:18. Thupene lai, nue pi troa sa.] Kola ithanatane hnene la hna cinyihane celë, la itre xaa trepene meköt ne la Tusi Hmitrötr ka troa xatuane la itre trefëne troa acatrene la imelekeu i angatr.”