Tro Ha Ketr La Hni Ne La Itre Atr Hnene La Ewekë Hnei Angatr Hna Troa Öhn
1. Nemene la ketre ewekë ka ketr la itre atr ka traqa troa hane sine la Drai Ne Amekunën? Qeje pengöne jë.
1 Eue hë la ijine cili? Ngöne la Drai Ne Amekunën. Nyipi ewekë tro sa catre könëne la itre atr troa hane ce sine me easë la drai cili. Thaa tro hmekuje kö a ketr la itre atr hnene la itre ewekë hnei angatr hna troa dreng. Ame la hna qaja aloine hnene la ketre föe thupene la hna sine la ketre Drai Ne Amekunën, tre, ene la itre ewekë hnei eahlo hna öhn, tune la elolone la aqane imelekeu ne la itre atr, memine fe la emingömingöne me eporopen la uma ne Baselaia hna xup me hna nyidrawane hnene la itre atr ka traqa troa ixatua. Haawe, thaa atre cile fë la cainöje caasi kö la trene hnëqa, ngo easë asë hi a thele troaketr la hni ne la itre atr ngöne la ijine ka sisitria cili ne la macatre.—Efe. 4:16.
2. Tune kaa la aqane tro së isa ala cas, a hamëne la ketre nyine anyipicin kowe la itre atr ka traqa sine la Drai Ne Amekunën?
2 Loi e Tro Sa Kapa Hnyawa La Itre Atr Ka Hane Sine La Drai Ne Amekunën: Maine tro sa ibozu me hnyima kowe la itre atr ka traqa troa sine la drai cili, haawe, tro hë së lai a hamëne la ketre nyine anyipicin. (Ioane 13:35) Maine nyipici laka thaa ijije kö la traeme troa ithanata memine la itre atr asë, ngo ijije hi tro epuni a thele troa iatre memine la itre atr ka lapa ezi epun. (Heb. 13:1, 2) Thele jë troa easenyine la itre atr, laka pëkö atr hnei angatre hna atre. Maine jë hnei angatre hna kapa la pepa ne ihë ngöne lo ijine easa könëne la itre atr. Ijije hi tro epuni a hnying, ka hape, “Ma epuni petre hi a xötrei traqa e celë?” Hë angatre jë troa lapa ezi epun, nge thele jë troa sa la itre hnyinge i angatr. Maine kola upe la ekalesia i epun troa canga nue la Uma Ne Baselaia, pine laka kola troa icasikeu hnene la ketre ekalesia, haawe, qaja jë koi angatr, ka hape: “Eni a pi atre la mekuna i epun göne la icasikeu celë. Ijije hmaca kö tro sa iöhny?”
3. Tro sa kapa tune kaa la itre trejine ka nanazij?
3 Loi e Tro Sa Kapa Hnyawa La Itre Trejine Ka Nanazij: Maine jë tro la itre trejine ka nanazij a hane sine la drai cili, tune mina fe lo itre ka majemine troa traqa hmekuje hi ngöne la Drai Ne Amekunën. Loi e troa kepe angatre hnyawa, nge amamai angatre jë laka, epuni a madrine troa öhnyi angatr. (Rom. 15:7) Ame e thupen, tro pë hë la itre qatre thup a wai angatr me ithuecatre koi angatr troa sine hmaca la itre icasikeu ne la ekalesia. Nge easa thithi fë koi Akötresie laka, epi troa ketr la itre atr ka sine la drai cili, thaa hnene hmekuje kö la itre ewekë hnei angatr hna troa dreng, ngo hnene mina fe la itre ewekë hnei angatr hna troa öhn, kola qaja ‘la nöjei huliwa së ka loi hnei angatre hna goeën.’—1 Pet. 2:12.