Itre Aqane Nyiqane Ithanata

Ngöne La Kola Inine La Tusi Hmitrötr Memine La Itre Atr Ngöne La Pane Mecixeni Ne Juun

E jë la Isaia 42:8. Thupene lai, qaja jë, ka hape: “Kola mama hnyawa e celë laka, hetre ëje i Akötresie. Nemene la mekuna i epun, nyipi ewekë kö koi së troa qaja la ëje i Akötresie? [Nue pi troa sa.] Hanawange la hna qaja e celë.” Amamane jë kowe la atr la zonal La Tour de Garde ne 1 Juun, nge ce wange jë ngöne la götrane 16 la itre mekun ka eje fene la pane mekune ka tru. Hamëne pi la lue zonal, nge thele jë troa bëeke hmaca matre troa sa la ketre hnying.

La Tour de Garde 1 Juun

“Nemene fe la mekuna i epun ngöne la topike celë ka tru alien? [Fe jë la götrane 3, nge amamane jë la itre mekun hna sija wengën.] Ame ngöne la itre mekune celë, nemene la ka ihmeku hnyawa memine la aqane goeëne epuni la Tusi Hmitrötr? [Nue pi troa sa.] Hanawange la aqane sipu qeje pengöne ej. [E jë la Roma 15:4.] Kola ithanatane hnene la hna cinyihane celë la faifi lao kepin matre ka ketre pengöne kö la Tusi Hmitrötr, memine la eloine eje ngöne la mele së.”

Réveillez-vous! Juun

“Ame ngöne la nöjei macatre, itre milio lao atr e cailo fen hna tith hnei mec qa ngöne la hna xeni la itre xeni ka pui hmëzi hë. Hapeu, nemene la hna kuca ngöne la nöje së matre tha tro kö a traqa kowe la ewekë cili? [Nue pi troa kuca.] Kola qaja hnene la hna cinyihane celë la foa lao aqane tro sa thupëne la fami së qa ngöne la itre xeni ka hamë mec. Kolo fe a qaja la hna thingehnaeane hnei Tusi Hmitrötr, ene laka calemi hë la ijine troa mana la itre xeni ka lolo me thue madrin kowe la nöjei atr asë.” E jë la Salamo 104:14, 15.