Itre Aqane Nyiqane Ithanata

Ngöne La Kola Inine La Tusi Hmitrötr Memine La Itre Atr Ngöne La Pane Mecixeni Ne Okotropa

“Pi tro asë hi sa lapa fene la ketre musi ka lolo. Ngo ame koi epun, ke drei musi la ka atreine troa nyi nyine la nöjei jole hne së hna qëmeke kow? [Nue pi troa sa.] Eni a hane pi amamane koi epuni la hna qaja e celë.” Fe pi kowe la atrene lai hnalapa La Tour de Garde ne 1 Nofeba, nge ithanatane jë me angeice la itre xa hnepe mekune qa hnine la pane hnying ka tru ne la götrane 16, nge xome ju fe la ca mekene tus. Hamëne pi la itre zonale nge isa pui jë matre troa ce ithanatane pena la hnaaluene hnying.

La Tour de Garde 1 Nofeba

“Ase hë epuni hane mekune ka hape, nemene la hnei epuni hna hane pi hnyingëne koi Akötresie? [Nue pi troa sa.] Öni Iesu ekö ka hape, tha tro pi kö sa mano troa thele jëne troa sa la itre hnyinge së. [E jë la Mataio 7:7.] Nge ame ngöne la zonale celë, tre könitre lao nyipi hnyinge hna sa hnene la Tusi Hmitrötr.” Amamane jë kowe la atrene lai hnalapa la itre hnyinge cili ngöne la götrane 3.

Réveillez-vous! Nofeba

“Eahuni a ajane troa hane ithanatane memine la itre atr la pengöne la itre hnepe lapa enehila. Nyimutre hë enehila la itre trahmanyi me itre föe ka hiane casine la itre nekö i angatr. Nemene fe la mekuna i epun, ka jole catre kö kowe la ala cas troa hiane la itre nekö i angeic hune la lue trefëne ka ce hiane la itre nekö i nyidro? [Nue pi troa sa.] Ame la itre xa keme me thin, tre hnei angatr hna öhne la eloine la itre eamo e hnine la Tusi Hmitrötr. [E jë la 2 Timoteo 3:16.] Ej e hnine la zonale celë la itre mekune ka troa xatuane la itre keme me thine ka hiane casine la itre nekö i angatr, troa atreine xome hnyawane la hnëqa i angatr.”