Itre Aqane Nyiqaane Ithanata
Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Julai
“Itre ka tria asë hi së. Ngo hapeu, tro kö Akötresieti a hane senge la itre ewekë ka ngazo catre hna kuca hnene la itre atr?” [Nue pi troa sa.] Amamane jë la tane mekune götrane 11 ne la Ita Ne Thup ne Julai–Semitrepa, matre ce ithanatane jë la pane hnying, nge mekune kö xome la ca mekene Tus. Line pi hë la itre zonal, nge sipone jë troa bëeke hmaca, matre tro pena a ithanatane la ketre hnying.
Ithuemacany: Loi e troa iamacanyine la aqane tro fë itusi celë, ngöne la ijine icasikeu thatraqane la huliwa ne cainöj, e drai 6 Julai.
Ita Ne Thup Julai–Semitrepa
“Nemene fe la hnei epuni hna mekune göne la hna qaja e celë? [E jë la 1 Ioane 4:8.] Öni itre xan, nyipici la itre trenge ewekë celë; ngo itre xan a mekune ka hape, ka pë ihnimin Akötresie, ke zö i Nyidrëti la itre hulö, maine pena, pëkö hnei Nyidrëti hna kuca matre troa hane trianyi angatre hnene la itre hulö. Nemene fe la mekuna i epun? [Nue pi troa sa.] Kola amamane hnene la zonale celë la itre kepine matre tha tro kö sa jelengazo Akötresie, me qaja ka hape, ka pë ihnimin Nyidrë.”
Réveillez-vous ! Julai
“Eahuni a pi ithanatane me epuni la ketre ewekë ka jole koi së itre atr troa kapa, ene la itre ewekë ka tha meköti kö. Ame la itre xa atr, tre angatr a catre fë meköt. Ngo hapeu, ie kö la itre trenge catre hnei angatre hna nue matre troa catre fë meköt? [Nue pi troa sa.] Tusi Hmitrötr a amamane la ewekë ka troa saze la fen. [E jë la Mataio 6:9, 10.] Kola hnyinge hnene la zonale celë ka hape, hapeu, ame la troa catre fë meköt, ke celë hi la nyine lai?”
Itre Maca Ka Lolo Qaathei Akötresie!
“Eahuni a pi iöhnyi me epuni itre lapa matre troa ce thawa la ketre mekene Tusi ka thue keukawa koi së. Ala nyimu la hnei eahuni hna ce ithanata memin, nge ka thele la kepine matre kola nue hnene la Akötresieti ka ihnim troa akötr la itre atr. Ngo hapeu, celë kö lai aja i Akötresieti kowe la itre atr ekö ngöne la qaan?” Nue pi troa sa. Fe pi la ini 5 matre troa e, nge ithanatane jë la lue pane paragarafe memine la itre xötr hna cinyanyine amekölen. Line pi hë lai boroshür, nge sipone jë troa bëeke hmaca, matre tro hmaca pena a ce wange la hnaaluene hnyinge hna sija atrun.