Itre Aqane Nyiqaane Ithanata

Drei La Ka Troa Sa La Itre Hnyinge Ka Tru?

Amamane hnyawane jë lai tarak, matre tro la atr a öhne lai tan. Thupene jë hi la hna ibozu, qaja jë ka hape: “Tro epuni a öhne e kuhu hnin, la ketre ithuemacanyi ka tru. Hane ju e.”

Maine ijine tro ha nue lai tarak kowe la itre atr ka patre kö ngöne la drai ne epuni a tro koi angatr, amë amamanyine pi, nge aca sa ju hi.

Maine ka pi porotrike lai atrekë hnalapan, hnyingëne jë koi angeic lai köni hnyinge ka mama ngöne la pane götrane ne lai tarak. Fe pi lai tarak, nge amamane jë koi angeice la hna qaja ngöne Salamo 119:144, 160. Qaja jë ka hape, kola qeje pengöne hnene lai tarak, la sit Ëternete së, nge tro angeic a öhne e cili ngöne sit, la aqane sa hnei Tusi Hmitrötr la itre hnyinge së. Maine ijije la traeme i angeic, canga amamane ju lo video, “Hnauëne La Troa Inine La Tusi Hmitrötr?” Qëmekene troa isa ije me angeic, amamane jë lo köni hnying ngöne la tröne lai tarak, nge hnyingë angeice jë la hnei angeice hna pi atre. Sipo angeice jë troa bëeke hmaca, matre tro epuni a ce wange la aqane sa hnei Tusi Hmitrötr lai hnyinge cili, ngöne jw.org. Ame hë la epuni a bëeke koi angeic, ce ithanatane jë hë me angeice la itre mekune ka sa lai hnying, ngöne ITRE ITUS > ITRE ITUSI ME BOROSHÜR.

Maine epuni a ihë göne lo asabele ka tru, hamëne pi lai tarak, nge liine ju fe la pepa ne ihë, nge qaja jë ka hape: “Hane fe la pepa ne hë epuni kowe la ketre icasikeu ka tru; pëkö thupene la hnë lö.”

Ita Ne Thup Julai–Semitrepa

“Traqa koi 6 000 000 lao atr hna humuthe hnene la sixa e nöjei macatre. Hapeu, hetre nyin kö kowe la jole celë? [Nue pi troa sa.] Tru pi hë la itre atr e cailo fen ka atreine triji sixa, ke atre hë angatr la aqane goeëne Akötresie la ewekë cili. Ka tune la xötre celë, ka xatua angatre troa mekune la thangane la sixa kowe la itre ka ce mele me angatr. [E jë la 1 Korinito 10:24.] Kola amamane hnene la zonale celë, ka hape, maine tro sa atre la aqane goeëne Akötresie la sixa, tro hë së lai a hetre trenge catre troa trije la sixa.” Fe pi la zonale ngöne la götrane 12.

Réveillez-vous! Ogas

Ame itre Mecixeni me Sabath, maine ijije troa tro fë la zonale celë, qaja jë ka hape: “Eahuni a pi hamëne koi epuni la zonale celë hna hnyipi kuca. Tro la Réveillez-vous ! celë a sa cahu hnying ka hape, Tro la itre atr a atreine mele tingeting tune kaa?”