Itre Aqane Nyiqane Ithanata

Hnying: Tha mama hnyawa kö kowe la itre xa atr, ka hape, ka mele Iesu ekö, ngo ame pena itre xan, tre, tha jole kö koi angatr troa kapa la mekune cili. Hna qaja fe hnene la itre xan ka hape, pëkö ewekë ka anyipicine la mekune cili. Nemene fe la mekuna i epun?

Nyine Tro Fë: Tro la zonale celë a amamane laka, ka mele Iesu ekö.

Hnying: Nemene la pengö së la easa mec?

Xötr: Ioane 11:11-14

Nyipici: Ame la kola meci hnene la ketre atr, patre hë la hnamano i angeic. Celë hi matre, tha tro kö sa xouene la mec. Hnei Iesu hna aceitunëne la mec memine la troa meköl. Tune la hnei nyidrëti hna kuca koi Lazaro, tro Iesu a “ahlëne hmaca” la itre sinee së ka mec, me aijijë angatre troa mele madrine ngöne la fen ka hnyipixe.—Iobu 14:14.

Nyine Tro Fë: Eni a ajane troa hane hë epun kowe la ketre cainöj, hna nyitrepen hnei Tusi Hmitrötr. Kola troa cile fë la cainöje cili ngöne la hnë hmi hun, e hnine la Uma ne Baselaia. [Hamëne jë la pepa ne ihë göi troa icasikeu; amamane jë fe la traem memine la hnë troa icasikeu e pune wiik, nge qaja jë fe la tane la cainöj hna troa cile fë.]

Hnying: Ase hë epuni hane sine la itre icasikeu hnine la Uma ne Baselaia? [Maine ijij, amamane jë la video hna hape, Ka Tune Kaa La Itre Icasikeu Hun?]