“Mama Ha La Fö’ i Nyido Ngöne La Qanahag”

Ame la föe loi thiina, tre, ka atrune la föi angeic. Ame ngöne la hneijine i Lemuela joxu, tre, ame la trahmanyi ka faipoipo memine la ketre föe ka loi thiina ke, troa ‘mama la fö’ i angeic ngöne la qanahag.’ (Ite Edomë 31:23) Ame enehila, kolo fe a metrötrëne la itre trahmanyi ka hetre hnëqa, tune la itre qatre thup me itre drikona. Maine itre ka faipoipo hë angatr, troa mama la hnei angatr hna atreine ngöne la itre aqane ujë me aqane xatua angatr hnene la itre föi angatr. (1 Timoteo 3:4, 11) Ame la itre föe loi thiina cili, tre, hna wangatrune catrën, tha hnene casi kö la itre föi angatr ngo hnene fe la ekalesia.

Ame la föe loi thiina tre, kola xatuane la föi angeic troa . . .

• ithuecatre cememine la itre hnaewekë ka menyik.—Ite Edomë 31:26

• nue angatr troa xatuane la ekalesia.—1 Thesalonika 2:7, 8

• mejihnine la hna hetreny.—1 Timoteo 6:8

• thupëne matre tha tro kö a lapa pi atre la itre huliwa ne la ekalesia. —1 Timoteo 2:11, 12; 1 Peteru 4:15