Itre Aqane Nyiqane Ithanata

ITA NE THUP

Hnying: Ala nyimu la itre atr ka mekune ka hape, ame la Tusi Hmitrötr, tre, ketre itus hnapane nge ka hekö catre hë. Ngo ame pe koi itre xan, tre, ka nyipiewekë pala hi ej enehila. Nemene fe la mekuna i epun?

Xötr: 2 Timoteo 3:16, 17

Nyine Tro Fë: Kola amamane hnene la tane mekune celë ngöne la Ita Ne Thup, la itre eamo qa hnine la Tusi Hmitrötr, nge kolo fe a xatua së troa kepe thangane ka loi e hne së hna e la Tusi Hmitrötr.

ININE JË LA NYIPICI

Hnying: Hapeu, calemi hë la pun?

Xötr: Mataio 24:3, 7, 14

Nyipici: Kola mama jëne la hna perofetan hnene la Tusi Hmitrötr laka, easë hë ngöne la itre drai ne la pun. Ngo itre maca lai ka lolo, ke, calemi hë la itre drai ka mingöming.

LA VIE A-T-ELLE ÉTÉ CRÉÉE ?

Hnying: Ame koi epun ke, meköti kö troa mekun laka, Akötresieti la ka xup la mel, maine ka traqa xane pena?

Nyine Tro Fë: Kola amamane hnene la boroshür celë la itre nyine anyipicin, ka upe la itre atr troa atremekun laka, hetre Atre Xup ka inamacan. Eni a ajane troa bëeke hmaca me ce ithanatane la hnying ngöne la götrane 29, hna hape: “Vos convictions ont-elles de l’importance?”

ITRE AQANE KUCA I EPUN

Xome jë la itre aqane nyiqane ithanata celë matre troa hnëkëne la sipu aqane tro fë zonale i epun.