MELE NE KERESIANO
Atrunyi Iehova Jë Ngöne La Mele Së!
Ketre ahnahna ka tru la mel. Easa amamane ka hape, ka tru koi së la ahnahna celë, e hne së hna thupëne hnyawa ej e nöjei drai. Pine laka Itretre Anyipici Iehova së, easa thele troa kuca asë la hne së hna atrein, matre troa atrunyi Iehova lo Atre Hamë Mel. (Sal. 36:9; Hna ama. 4:11) Ngo, hnene la itre jole ne la fene ka ngazo celë, matre canga tro hi sa wangacone la itre huliwa i Akötresie. (Mar. 4:18, 19) Loi e tro sa isa hnying, ka hape: ‘Eni kö a hamëne koi Iehova la ka sisitria? (Hos. 14:2) Nemene la aqane troa nyi ethanyine la huliwa i Iehova hnene la huliwang? Nemene la itre hnenge hna mekune troa kuca ngöne la huliwa i Akötresie? Nemene la aqane tro ni a akökötrene la huliwa ne cainöj?’ Maine kola mama koi së laka, nyipiewekë tro sa saze, haawe loi e tro sa sipo Iehova troa xatua së. Tha luelu kö së laka, maine tro sa atrunyi Iehova ngöne la nöjei drai ne la mele së, tro hë sa mele madrin!—Sal. 61:8.
Epuni a hamëne koi drei la itre ewekë ka sisitria?
GOEËNE JË LA VIDEO HNA HAPE, HAMËNE PI KOI IEHOVA LA KA SISITRIA, NGE THUPENE LAI SA JË LA ITRE HNYING:
Pine nemene matre tha ka inamacane kö la atr ka hamëne la ka sisitria thatraqane la fene i Satana? (1 Ioane 2:17)
Hna amanathithine tune kaa la itre ka hamëne la ka sisitria koi Iehova?
Nemene la aqane tro sa hamëne la itre hne së hna atreine kuca thatraqane la hmi Akötresie?