“Hnei Akötresie Hna Iothekeun . . . ”

Thenge la Wathebo i Mose, e kola mekun hnene la ketre trahmanyi troa sei hna cil, loi e tro angeic a pane cinyihan la ketre tusi ne triji föe. Celë hi ka troa sewe angeic troa sei hna cil menu. Ngo ame ngöne lo hneijine i Iesu, hnene la itre hene ne hmi hna nue la itre trahmanyi troa sei hna cil koi nyimu kepin. (nwtsty Ithuemacany göi Mareko 10:4, 11) Hnei Iesu hna qaja hnyawan ka hape, Iehova la ka acile la faipoipo. (Mrk 10:2-12) Tro la trahmanyi me föe a “ca ngönetei.” Casi hi la kepine troa sei hna cil. Tune la hna qaja ngöne la tusi Mataio, tro hi a sei hna cil e hna “kuci ngazo.”—Ma 19:9.

Ame enehila, nyimutre la itre ka mekun tune la itre Faresaio. Ame la kola traqa la itre jol, canga mekune hi angatre troa sei hna cil. Isapengöne kö memine la itre Keresiano. Ka tru koi angatr la hna sisinyi me Akötresie, matre jëne la Tusi Hmitrötr, angatr a thele troa cile kowe la itre jol. Goeëne jë la video hna hape, Hna Iothekeune La Fami Hnene La Ihnim Me Metrötr. Thupene lai, sa jë cahu itre hnying:

• 

  Troa trongëne tune kaa la hna qaja ngöne Ite Edomë 15:1 e hnine la faipoipo, nge pine nemene matre ka nyipiewekë catr?

• Tune kaa la aqane tro la tusi Ite Edomë 19:11 a xatua së troa neëne la itre jol?

• Maine jole palaha la faipoipo, tha tro kö sa canga hnying ka hape, ‘Tro jë kö ni a sei hna cil?’ Ngo nemene pe la itre hnying nyine tro sa mekun?

• Tro la tusi Mataio 7:12 a xatua së tune kaa troa ketre trahmanyi maine föe ka lolo?