Mekuneju La Ifenekö i Lota

Pine nemene matre hna xei hutrö hnene la ifënekö i Lota, ngöne la kola kötr qa Sodoma? Tha hna qaja kö hnei Tusi Hmitrötr. (Ge 19:17, 26) Kola amamane ngöne la aqane hmekë së hnei Iesu laka, maine jë, ka tru koi eahlo la itre ewekë hna nue pe e cili. (Lu 17:31, 32) Nemene la aqane tro sa amadrinë Iehova, matre tha tro kö sa nyitipune la ifënekö i Lota? Tha tro pi kö sa nue la aja mo troa musinëne la mele së. (Ma 6:33) Hnei Iesu hna qaja ka hape, thatreine kö “troa nyi hlue i Akötesieti me mamona.” (Ma 6:24) Ngo tune kaa e tru hë la traeme hne së hna nu göi troa thele mo, nge co pë hë koi Iehova? Loi tro sa thith koi Iehova me sipo Nyidrë la ixatua matre tro sa atrehmekune la itre nyine troa saze ngöne la mele së. Loi tro fe sa sipo trengecatre koi Nyidrë.

AMEXEJE JË LA KÖNI GÖTRAN NE LA VIDEO HNA HAPE, MEKUNEJU LA IFENEKÖ I LOTA, NGE THUPENE LAI, SA JË LA ITRE HNYING:

• 

  Nemene la aqane ajojezine la itre mekune i Gloria, me aqane ithanata me itre huliwa i angeic hnene la aja mo?

• Nemene la aqane hmekë së enehila hnene la tulu ne la ifënekö i Lota?

• Nemene la aqane xatua Joe me hnepe lapa i angeic hnene la itre trepene meköt ne la Tusi Hmitrötr?

• Nemene la aqane ananyi Anna qaathei Iehova hnene la itre sine huliwa i Anna?

• Pine nemene matre loi e tro sa hetre trengecatr e traqa ju uku së troa amë panëne la manie ngöne la mele së?

• Nemene la aqane amë panëne hmaca Brian me Gloria la huliwa i Iehova ngöne la mele i nyidro?

• Nemene la itre trepene meköt ne la Tusi Hmitrötr ka mama ngöne la video?