ITRE TRENGAMO QA HNINE LA WESI ULA | TITO 1–FILEMONA
“Aqane Troa Acile La Itre Qatre Thup”
Hna upi Tito troa “acile la itre qatre thup ngöne la itre traone trootro.” Nge celë hi tulu ne la Tusi Hmitrötr hna xötrethenge enehila. Hnëqa ne la atre thupëne la sirkoskripsio troa acile la itre trahmanyi ngöne la ekalesia.
LAPA NE XOMI MEKÖT
Thenge la aqane kuca hnene la itre pane keresiano, Lapa Ne Xomi Meköt la ka ahnith kowe la itretre thupëne la sirkoskripsio troa acile la itre qatre thup me itretre ixatua. Ketre huliwa lai ka nyipiewekë catr.
ITRETRE THUPËNE LA SIRKOSKRIPSIO
Nyipiewekë tro la atre thupëne la sirkoskripsio a wange hnyawa la pengöne la trejin hna mekun troa acil hnene la itre qatre thup, me thith thatraqane lai. Thupene lai, tro nyidrëti a acile la itre trejin trahmanyi ka maca ngöne la huliwa.
ITRE QATRE THUP HNA ACIL
Ngacama ase hë acile la ketre trejin troa qatre thup, ngo nyipiewekë tro pala hi angeic a catre trongëne la itre hna amekötine hnei Tusi Hmitrötr göne la hnëqa i angeic.