“Thele Catrëne Jë La Itre Ewekë Cili”

Nemene la itre ewekë cili? Öni Filipi 4:8, troa thele la itre ewekë ka nyipici, me ka nyipiewekë, me ka meköt, me ka wië, me ka aciane la ihnim, me hna qaja aloin, me ka lolo, me ka amadrinë Akötresie. Tha kolo kö lai a qaja ka hape, tro pala hi la keresiano a meku Tusi Hmitrötr. Ngo, loi e tro pala hi la itre ewekë hne së hna mekun a amadrinë Iehova. Tha tro pi kö sa mekune la ketre ewekë ka troa sewe së troa mele nyipici koi Nyidrë.—Sal. 19:14.

Tha ka hmaloi kö troa thipetrije la itre mekune ka sis. Easa isi memine la pengö së, atr ka ngazo, me Satana “haze ne la fene celë.” (2 Kor. 4:4) Pine laka, angeic la ka musinëne la ka mama ngöne tele, me radio, me Ëternet, me itre zonal, haawe, kola hlemu la itre ewekë ka sis. Nyipiewekë tro sa thupëne la itre ewekë ka lö hnine la mekuna së, wanga troa hetre ethan kowe la aqane mekune së, me aqane ujë së.—Iako. 1:14, 15.

GOEËNE JË LA VIDEO NEËNE JË LA ITRE EWEKË KA TROA ANGAZONE LA NYIPICI, NGE SA JË CAHU ITRE HNYING:

• 

  Nemene la hna goeëne hnene la trejin ngöne la mobilise i angeic, nge nemene la thangane lai?

• 

  Nemene la aqane xatua angeic hnene la lue xötr celë: Galatia 6:7, 8 me Salamo 119:37?