Aqane Troa Maca Ngöne La Hna Cainöj​—Troa Cainöj Kowe La Itre Ka Timek

ENYIPIEWEKËN: Alanyimu thene la itre ka timek ka xou troa ithanata memine la itre trenyiwa. Celë hi matre, nyipiewekë tro sa maca matre troa atreine cainöje koi nyudren. Iehova a hnim la itre ka timek. (Lev. 19:14) Loi e tro sa nyitipu Iehova me xatuane la itre ka timek troa atrepengöi Nyidrë.

AQANE TROA KUCA:

• “Thele jë” la itre ka timek. (Mat. 10:11) Hapeu, atre fe hi epun la ketre fami ka hetre ka timek? Hetrenyi kö ngöne la teritoare i epun la ketre uma ne ini, maine ketre organizasio kowe la itre ka timek, maine uma thatraqane la itre qatr? Angatre kö a ajane la itre itusi së thatraqane la itre ka timek?

• Wangatrunyi angeice jë. Maine tro epuni a amamane laka, epuni a wangatrune la atr ka timek me menyike koi angeic, tro hë angeice lai a hetre aja troa porotrik me epun. Haawe, thele jë troa nyiqaane porotrikëne la itre ewekë ka traqa ngöne la götrane i epun

• Xatua angeice jë troa atrepengöi Iehova. Hnene la organizasio hna kuca la itre itus matre troa xatuane la itre ka timek maine itre ka tha öhne hnyawa kö koilo. Hnyinge jë kowe la atr la hnei angeic hna ajan matre troa nyiqaane ini Tus. Loi e tro la atre thupëne la huliwa ne cainöj a wange la trejin ka cilëne la itre itus matre tro angeic a commander la itre itus hna ajane hnene la itre ka timek