Catre Pi, Ke, Easenyi Hë La Pun

ENYIPIEWEKËN: Easenyi hë troa tupathe la lapaune i easë koi Iehova hnene la itre ewekë ka troa traqa. Troa nyiqane la akötr atraqatr ngöne la kola lepe apatrene la hmi ka thoi. (Ma 24:21; Ama 17:16, 17) Ame ngöne la ijine cili, tro sa cainöjëne la ketre maca ne iameköti. (Ama 16:21) Troa pi lepi së hnei Gog atre Magog. (Eze 38:10-12, 14-16) Ame e cili, tro Iehova a thupëne la nöje i Nyidrë, nge troa nyiqane “la isi ne la drai ka tru i Akötresie, ka Tru Trenge Men.” (Ama 16:14, 16) Maine aja së troa cile catr ngöne la ijine cili, nyipiewekë tro sa atreine cile catr enehila la kola traqa koi së la itre jol.

AQANE TROA KUCA:

• Troa isigöline la itre trepene meköti Iehova. —Is 5:20

• Troa catre nyihlue i Iehova memine la itre trejin.—He 10:24, 25

• Troa hmala troa drengethenge la itre hna amekötine hnene la organizasio i Iehova.—He 13:17

• Troa lapa mekun la itre ijine Iehova a amelene la nöje i Nyidrëti ekö.—2Pe 2:9

• Troa thithi koi Iehova me mejiune koi Nyidrë.—Sa 112:7, 8

GOEËNE JË LA VIDEO HNA HAPE, NGACAMA KA CATR NGO KA AJA IXATUA!—EXTRAIT, NGE SA JË CAHU ITRE HNYING:

• 

  Ame lo kola acasine la itre ekalesia, hnauëne laka, jole koi angatr troa idrengethenge?

• 

  Pine nemene matre ka ce tro la catr memine la idrengethenge?

• 

  Hnauëne laka, nyipiewekë tro sa catr ngöne la ijine Amagedro?

• 

  Nemene la hna melën e hnine la Tusi Hmitrötr ka troa acatrene la lapaune së kowe la mene i Iehova troa amele së?—2Aq 20:1-24