Itre Jeunes—Hetre Imelekeu i Epuni Kö Me Iehova?

Nemene la itre thiina ka upi epun troa nyisineene la ketre atr? Ma ka tru koi epun la atr ka mele nyipici, me ka menyik, me ka ham. Thei Iehova la itre thiina cili. (Es 34:6; Hu 14:17) Ame la eö a thithi koi Nyidrë, Nyidrëti a drei eö. Ame la eö a aja ixatua, Nyidrëti a xatua eö. (Sa 18:19, 35) Nyidrëti a nue la itre ngazo i eö. (1In 1:9) Pëkö sinee ka tui Nyidrë!

Tune kaa la aqane tro eö a hetre imelekeu me Iehova? E jë la Trengewekë i Nyidrë göi troa atrepengöi Nyidrë. Fe pi la hni eö koi Nyidrë. (Sa 62:8; 142:2) Amamane jë laka, eö a nyipiewekëne la itre ewekë ka tru koi Nyidrë, tune la Nekö i Nyidrë, la Baselaia, memine la itre hna thingehnaean. Qeje Nyidrëti jë koi itre xan. (De 32:3) Maine tro eö a epe catre koi Iehova, troa cile hut la aqane imelekeu i epon.—Sa 73:25, 26, 28.

GOEËNE JË LA VIDEO HNA HAPE, ITRE JEUNES—“DEMEJU, NGE ATEJË LAKA ATE IHNIMI IEHOVA,” NGE SA JË CAHU ITRE HNYING:

• 

  Tro eö a hnëkë tune kaa qëmekene troa nue la mele i eö me xomi bapataiso?

• 

  Tro la ekalesia a xatua eö tune kaa troa nyihlue i Iehova?

• 

  Tro la huliwa ne cainöj a acatrene tune kaa la aqane imelekeu i eö me Iehova?

• 

  Nemene la itre xa aqane tro eö a nyihlue i Iehova thupene la bapataiso?

• Nemene la ka ketri eö thei Iehova?