Troa Hamë Ini Cememine La Madrin

Ka ixötrekeu la madrin. E tro sa madrin, tro la itre atr a pi drei së. Tro angatr a öhne ka hape, ka nyipiewekë la maca hne së hna tro fë. Ngacama isapengöne la aqane mele së, maine qenenöje së, maine pengö së, ngo ijiji së asë hi troa cainöj cememine la madrin. (Ro 12:11) Tro sa tune kaa?

Pane mekune jë, la enyipiewekëne la maca hnei eö hna tro fë. Hna aijijë eö troa tro fë la itre “maca ka loi!” (Ro 10:15) Nge, mekune jë fe la thangane kowe la itre atr, e tro angatr a drenge la maca cili. Ka nyipiewekë catr tro angatr a atre la maca cili. (Ro 10:13, 14) Ithanata jë cememine la madrin, nge loi e troa mama ngöne la aqane ujë i eö me ngöne la qëmekei eö.

GOEËNE JË LA VIDEO HNA HAPE, MAINE TRO SA MACA TROA ININE LA ITRE ATR, TRO HË SA MADRIN—TROA HAMË INI CEMEMINE LA MADRIN, NGE SA JË CAHU ITRE HNYING:

• 

  Hnauëne laka, tha madrine hë Neeta troa ini Tus me Jade?

• 

  Nemene la ka xatua Neeta matre tro hmaca angeic a madrin?

• 

  Hnauëne laka, tro sa goeëne la itre thiina ka lolo thene la itre atr?

• Nemene la thangane kowe la itre ka ini Tus me së, e tro pala hi sa madrin?