Amamane Jë La Ihnim Ngöne La Fami

Ihnim la ecatrene la fami. E patre kö la ihnim, thatreine kö la fami troa cas me ce huliwa. Nemene la aqane tro la trahmany me föe me keme me thine a ihnim ngöne la fami?

Ame la trahmany ka hnime la föe i angeic, nyidrëti a drenge la hnei angeic hna qaja, me wangatrune la aja i angeic me aliene hni angeic. (Ef 5:28, 29) Nyidrëti a huliwa me inine la itre trepene meköti Iehova kowe la fami nyidrë. Nyidrëti a thupën matre tro pala hi a kuca la Hmi Ne La Fami. (1Ti 5:8) Ame la föe ka hnim la föi angeic, angeic a idrengethenge me ‘metrötrë’ nyidrëti hnyawa. (Ef 5:22, 33; 1Pe 3:1-6) Nyipiewekë tro nyidro a isa nue la ngazo i ketre. (Ef 4:32) Nyipiewekë tro la keme me thine a hnim ceitu la itre nekönatr, me xatua nyudren troa hnimi Iehova. (De 6:6, 7; Ef 6:4) Nemene la itre jol hna cile kow hnene la itre nekönatr ngöne la hnë ini? Atreine kö nyudren cile kowe la itre atr ka iuku troa kuca la ngazo? E ka ihnimikeu la fami tro ej a cas me tingeting.

GOEËNE JË LA VIDEO LOI E TROA NYIPICI LA AQANE IHNIMI EPUN E HNINE LA FAMI, THUPENE LAI SA JË CAHU ITRE HNYING:

• 

  Nemene la aqane tro la trahmanyi a thupëne me hnim la föi angeic?

• 

  Nemene la aqane tro la föe a metrötrëne hnyawane la föi angeic?

• 

  Nemene la aqane tro la keme me thine a inine la Trengewekë i Akötresie kowe la itre nekönatr?