Troa Utipin Me Hnime La Itre Atr

Ame la atr ka utipin, ke, ka atreine trotrohni itre xan, la ka ej e kuhu hni angatr, memine la hnei angatr hna ajan. Aja ne la atre cili, troa hamë ixatua. Nge, canga drenge hi itre xan ka hape, kola pi xatua angatr. Ame la easa utipin la itre atr ngöne la hna cainöj, easë hi lai a amamane la ihnimi Iehova, nge celë hi ka ea la itre atr koi Nyidrë.—Fi 2:4.

Tha easë hmekuje kö a utipine la itre atr ngöne la easa hamë ini koi angatr. Ngo, troa mama ngöne la aqane drenge së, me aqane ithanata së, me aqane ujë së. Troa amamane kowe la atr ka hape, ka tru angeic koi së. Nge easa metrötrën la itre huliwa i angeic, la hmi angeic, me pengöi angeic. Easë fe a hamë eamo koi angeic, ngo tha easë kö a musinë angeic. Tro la atr a kapa la ixatua i easë, ke, hnei easë hna utipi angeic. Nge, celë hi ka troa thue madrine koi së ngöne la hna cainöj.

GOEËNE JË LA VIDEO HNA HAPE, MAINE TRO SA MACA TROA ININE LA ITRE ATR, TRO HË SA MADRIN—TROA UTIPIN ME HNIME LA ITRE ATR, NGE SA JË CAHU ITRE HNYING:

• 

  Nemene la aqane utipi Jade hnei Neeta lo angeic a traqa tar?

• 

  Nemene la aqane utipi Jade hnei Neeta lo angeic a kucakuca troa ini Tusi Hmitrötr?

• 

  Nemene la aqane utipi Jade hnei Neeta lo angeic a qaja ka hape, ka zikoziko la mele i angeic?